Photo TURAN.
Bakı/20.02.23/Turan: Bazar ertəsi bir qrup vətəndaş cəmiyyəti fəalı Bəxtiyar Hacıyevi həbsdən azad etməyən Apellyasiya Məhkəməsinin qarşısında etiraz aksiyası keçirib. Onlar "Öldürmə, azad et!", "Azadlıq Bəxtiyarın haqqıdır!» şüarlarını səsləndiriblər.
Polis aksiya iştirakçılarını məhkəmə binasından uzaqlaşdırıb və beş nəfəri saxlayıb: Afiyəddin Məmmədov, Samir Sultanov, Nemət Abbasov, Əli Məlikov və Nərmin Şahmarzadə.
Digər iştirakçılar jurnalistlərə bildiriblər ki, Bəxtiyar hər an ölə bilər və dərhal sərbəst buraxılmalıdır. Lakin hakim Habil Məmmədov bunu nəzərə almayıb.
Bu gün Bəxtiyar məhkəməyə məcburi gətirilib, baxmayaraq ki, vəziyyəti pis olduğundan məhkəmədə iştirak etməmək üçün yazılı müraciət edib. Yolda halı pisləşib və öd qusub, aksiya iştirakçıları deyiblər.
Onlar bildiriblər ki, ictimai yerlərdə etiraz aksiyalarını davam etdirəcəklər. 02B
Cəmiyyət
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
Rəy yaz