![BHBF azərbaycanlı boksçunun qələbəsini ləğv edib](https://turan.az/resized/media/2012/main/080200006665-750-500-resize.webp)
BHBF azərbaycanlı boksçunun qələbəsini ləğv edib
Azərbaycanın idman naziri Azad Rəhimov Londonda növbəti zərbəni alıb. Belə ki, ötən gecə Azərbaycan yığmasının üzvü Məhəmməd Əbdülhəmidovla yaponiyalı Satoşi Şimidzy (56 kq. çəkiyə qədər) arasında boks üzrə 1/8 finalın nəticələri ləğv edilib.
Yarış azərbaycanlı idmançının qələbəsi ilə başa çatıb, lakin yaponlar hakimin qərarına etiraz ediblər. Beynəlxalq Həvəskar Boks Federasiyası (BHBF) isə etirazı təmin edib.
Qeyd edək ki, birinci və ikinci raund M.Əbdülhəmidovun tam üstünlüyü ilə keçib və 12:5 hesabı ilə başa çatıb. Lakin üçüncü raundda o, güclə ayaq üstündə dayanıb, bir neçə dəfə yıxılıb və yarışı çətinliklə başa vurub.
Bununla belə, hakim M.Əbdülhəmidovu qalib elan edib ki, bu da azarkeşlərin narazılığına səbəb olub, onlar hakimi fitə başıblar.
“Olimpiya turnirinin 106 saylı döyüşünü nəzərdən keçirərkən belə nəticəyə gəldik ki, referi altı dəfə yıxılan M.Əbdülhəmidova minimum üç dəfə hesab (nokdaun) açmalı idi. Referi döyüşü saxlamalı idi, qalib isə yapon boksçu Şimidzu elan edilməli idi. Bununla əlaqədar yarışın nəticələrini ləğv edirik və qələbəni yapon boksçuya veririk”, - BHBF-nin bəyanatında deyilir.
Bundan sonra boks turnirində üç azərbaycanlı boksçu qalır – Soltan Migitinov, Məhəmmədrəsul Məcidov və Teymur Məmmədov, həmçinin qadın boksçu Yelena Vıstropova.
Xatırladaq ki, bir il əvvəl BBC London olimpiadasında azərbaycanlı boksçuların iki qızıl medal ilə təmin olunması məqsədilə BHBF-də qeyri-şəffaf “investisiyalar” haqqında reportaj hazırlamışdı. Bu işdə Azərbaycan Boks Federasiyasının rəhbəri, FHN rəhbəri Kəmaləddin Heydərovun adı keçirdi. Lakin onun bu sövdələşməyə bağlılığına sübut irəli sürülmədi, BHBF isə məlumatı təkzib etdi, amma heç kim BBC-ni məhkəməyə vermədi.—06D--
-
- İqtisadiyyat
- 2 Avqust 2012 13:16
-
- Cəmiyyət
- 2 Avqust 2012 14:41
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz