Açiq mənbələrdən foto.
Bakı/28.07.21/Turan: Biləsuvar rayonun İsmət kənd sakini İxtiyar Ağayev su çatışmamazlığından əkin sahələrindəki məhsullarının məhv olması ilə bağlı Turan Agentliyinə teleqram gönədrib.
“Hörmətli İnformasiya vasitələrinin nümayəndələri sizə yüzlərlə əli qabarlı pay torpaq sahibi adından müraciət edərək bildiririk ki, rayonun Çərçili adlanan ərazisində pambıq və digər kənd təsərrüfatl bitkiləri əkmişik. Çox təəssüf ki, əlaqədar təşkilatların yarıtmaz fəaliyyəti nəticəsində əkin sahələrimiz susuzluqdan məhv olub gedir,” teleqramda deyilir.
İxtiyar Ağayev bildirir ki, dəfələrlə rayon icra hakimiyyəti başçısına və su sistemləri idarəsinin rəisinə müraciətlər etsələr də, heç bir tədbir görülməyib, boş vədlər veriblər.
“Pambıq sahələrinə verdiyimiz çıxış suyundan sonra 70 gündən artıq vaxt keçir. Əkin sahələrimiz susuzluqdan məhv olub gedir. Su qeyri-qanuni yollarla yüzlərlə minlərlə hektar sahəsi olan keçmiş icra başçılarının hal-hazırda vəzifə başında olan məmurların, generalların və onların qohumlarının əkin sahələrinə axır.Onlar milyon qazanır, əli qabarlı insqanlar isə qəpik quruş qazanır.”
O hesab edir ki, ölkə rəhbərliyinin kənd təsərrüfatının inkişaf etdirmək üçün qəbul etdiyi qərarlar verdikləri göstərişlər Biləsüvarda kağız üzərində qalır.
“Suyu məmurların adamlarına satırlar. Fəaliyyətində yol verdiyi nöqsanlara görə keçmiş icra başçısı Mahir Quliyev həbs olundu. Yeni icra başçısı təyin olundu. Müsbətə doğru heç bir dəyişiklik yoxdur. Vəziyyət daha da pisləşib. Hörmətli kütləvi informasiya vasitələri ümid yerimiz sizsiniz. Xahiş edirik həyatımızı, təsərrüfatlarımızı, əkin sahələrimizi əllərindən ancaq oğurluq, qarət etmək, dövlət vəsaitini dağıtmaq, əhaliyə zülm etmək, ölkə rəhbərliyinə yalan məlumatlar vermək gələn məmurların əlindən xilas edəsiniz,” teleqramda qeyd edilir.
Öz növbəsində, Biləsuvar rayon İcra Hakimiyyəti vətəndaşın müraciəti ilə bağlı
Turan Agentliynin yazılı sorğusunu qəbul etsə də hələ cavab verməyib. İcra Hakimiyyətinin digər rəsmisi isə şifahi sorğuya cavab verilməyəcəyini deyərək telefonu qapadıb. -03B-
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz