Biznesmen Goranboyun icra başçısını ittiham edir

Goranboy Rayon İcra Hakimiyyətinin başçısı Nizaməddin Quliyev biznesmen Müqayis Verdiyev və onun oğlu Anar Verdiyevlə haqq-hesab çəkir.

Rayon administrasiyasının sifarişi ilə M.Verdiyev dövlət vəsaitinin mənimsənilməsində ittiham olunaraq həbs edilib. Bundan əlavə, ona və oğluna qarşı şəxsi ittiham qaydasında böhtan və təhqirə görə cinayət məsuliyyətinə cəlbolunma barədə məhkəmə iddiası qaldırılıb. Bu barədə vəkil Adəm Məmmədov bildirib. Onun sözlərinə görə, Verdiyev rayonun abadlaşdırılması  üçün 256 min manat həcmində iş görüb. Lakin hakimiyyət ona 100 manat ödəyib. Biznesmenin bütün məbləğin ödənilməsinə nail olmaq cəhdi ona qarşı təzyiqlərə səbəb olub. 

Martın 7-də M.Verdiyev CM-in 308-ci maddəsi ilə “vəzifə səlahiyyətlərindən sui-istifadə”də ittiham olunaraq həbs edilib. Verdiyev işçilərlə əmək müqaviləsi bağlamamaqda ittiham olunur. Üstəlik, həbs biznesmenin anasının ölüm günündə baş verib və onun dəfndə iştiraka buraxılmayıb.

Sonradan bu ittiham CM-in 179.3. 2-cu maddəsinə (iri məbləğdə mənimsənə və israfçılıq) tövsif edilib – 25 min manat. Lakin onu bunda ittiham etmək gülüncdür, çünki hər hansı vəsait almasına dair sənədli sübut yoxdur.

9 ay ərzində Baş Prokurorluğun Korrupsiyaya Qarşı Mübarizə İdarəsində istintaq hərəkətləri aparılmayıb. 

Vəkilin sözlərinə görə, Goranboy rayon rəhbərinin müavini  Abdullayevin adından M.Verdiyevin və onun oğlu A.Verdiyevin şəxsi ittiham qaydasında böhtan və təhqirə görə cinayət məsuliyyətinə cəlb olunması barədə məhkəmə iddiası qaldırılıb. Əsasən iddiaçı bu ilin iyulunda pia.az, tia.az və http://bolgexeber.com saytlarında yer alan təhqiri nəzərə alıb. Bu yazılarda Verdiyev öz atasının fikirlərini səsləndirib. Vəkil ata və oğul Verdiyevlərin təqib edilməsini qanunsuz sayır.

Goranboy başçısından şərh almaq cəhdləri nəticə verməyib. —06C--