Bakı/21.05.22/Turan: Rəşad Ağaəddin kimi tanınan blogger Rəşad Ramazanov külli miqdarda narkotik vasitələrin qanunsuz dövriyyəsində ittiham olunur. Məhkəmənin qərarı ilə onun barəsində 4 ay müddətinə həbs-qətimkan tədbiri seçilib.
Bu barədə onun həyat yoldaşı Könül Ramazanova məlumat verib.
O, ittiham və ərinin həbsi barədə dövlət hesabına təyin olunmuş vəkildən xəbər tutub.
K.Ramazanova, ittihamı uydurma hesab edir.
Hüquq müdafiəçisi Rüfət Səfərov da ittihamın doğruluğuna şübhə ilə yanaşıb.
O, Facebook səhifəsində Ramazanovun artıq bir dəfə - 2013-2019-cu illərdə siyasi məhbus həyatınl yaşadığını xatırladıb.
Hüquq müdafiəçisi əmindir ki, Ramazanov sosial şəbəkələrdə hakimiyyəti kəskin tənqid etdiyinə görə təqib olunur.
“Dəqiqləşdirməyə çalışıram, amma böyük ehtimal ki, əvvəl olduğu kimi, bu dəfə də cibinə narkotik maddəni yerləşdirib, sonra “aşkara çıxarıblar”, - Səfərov yazıb.
Daxili İşlər Nazirliyinin mətbuat xidmətindən məsələ ilə bağlı şərh almaq mümkün olmayıb.
Bloqqerin ittiham olunduğu CM-nin 234.4.3-cü maddəsi 5 ildən 12 ilədək azadlıqdan məhrumetmə cəzası nəzərdə tutur.
Rəşad Ramazanov 2013-cü ilin mayında həbs edilib və daha sonra külli miqdarda narkotik vasitələrin qanunsuz dövriyyəsi ittihamı ilə 9 il müddətinə azadlıqdan məhrum edilib. Yerli hüquq müdafiə təşkilatları onun həbsinin əsl səbəbinin sosial şəbəkələrdə hakimiyyətin tənqidi olduğunu hesab edərək, Ramazanovu siyasi məhbus kimi tanıyıblar.
2019-cu ilin martında o, prezidentin əfv fərmanı ilə vaxtından əvvəl azad edilib.—21B06-
Cəmiyyət
-
Yanvarın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Gündüz bəzi yerlərdə qısamüddətli yağış yağacağı, gecə və səhər zəif duman olacağı ehtimalı var. Cənub-qərb küləyi gündüz arabir güclənən şimal-qərb küləyi ilə əvəz olunacaq. Havanın temperaturu gecə müsbət 3+6, gündüz müsbət 7+9 dərəcə olacaq, Milli Hidrometeorologiya Xidməti bildirib.
-
Turan Informasiya Agentliyi media hüququ üzrə tanınmış ekspert Xalid Ağalıyevə anasının vaxtsız vəfatı ilə əlaqədar ən dərin hüznlə başsağlığını bildirir. Allah ona əbədi rahatlıq versin, ruhu şad olsun.
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
Rəy yaz