Açiq mənbələrdən foto.
Bakı/30.08.23/Turan: Avqustun 30-da axşam ilin ən böyük və parlaq Mavi Super Ayı görünəcək. Bədrlənmiş ay fazası ay orbitinin perigeyinə təsadüf etdikdə, yəni ay orbitinin yerə ən yaxın nöqtəsində tam ay fazasında olduqda Super Ay müşahidə olunur.
Bu barədə Azərbaycan Respublikası Elm və Təhsil Nazirliyi N.Tusi adına Şamaxı Astrofizika Rəsədxanasının məlumatında deyilir.
Məlumatda bildirilir ki, yerlə ay arasındakı orta məsafə 384,400 kilometrdir, lakin hal-hazırda bu məsafə azalaraq 357,341 kilometrə bərabərdir.
"Bakı vaxtı ilə saat 19.18-də doğan Mavi Super Ay sabaha kimi görünəcək", Şamaxı Astrofizika Rəsədxanasının məlumatında deyilir.
Bir fəsil ərzində 3-cü bədrlənmiş ay Mövsümi Mavi Ay, bir təqvim ayı ərzində görünən 2-ci bədrlənmiş ay Aylıq Mavi Ay adlanır.
Mavi Super Ay hadisəsi 2-3 ildən bir təkrarlanır. Növbəti Mavi Super Ay 31 May 2026-cı ildə müşahidə olunacaq.
Qeyd edək ki, 2023-cü ilin son Super Ayı isə 28-29 sentyabra təsadüf edəcək və bu zaman yerlə ay arasındakı məsafə 361,553 km olacaq. 0
Cəmiyyət
-
Bazar günü, noyabrın 17-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gecə və səhər bəzi yerlərdə arabir yağış yağacağı gözlənilir. Səhər yarımadanın ayrı-ayrı yerlərində qısamüddətli leysan xarakterli olacağı ehtimalı var. Arabir güclənən şimal-qərb küləyi gündüz mülayimləşəcək.
-
Bakıda qalxanabənzər vəzin xərçənginə yoluxma halları sürətlə artıb, həm də həkim-endokrinoloq Sadiq Bəbirov uşaqlarda bu cür patologiyaların çox olduğuna diqqət çəkir.
-
Noyabrın 14-də şəkərli diabetlə beynəlxalq mübarizə günü idi. Azərbaycanda diabetdən əziyyət çəkənlər üçün pulsuz dərmanların verilməsi nəzərdə tutulub. Nazirlər Kabinetinin qərarına görə, pulsuz dərman Səhiyyə Nazirliyinin təsdiq etdiyi xüsusi formada olan resept nüsxəsində yazılır. Lakin xəstələrə pulsuz dərmanların verilməsində hələ də problemin olduğu ilə bağlı şikayətlər eşidilir.
-
Noyabrın 16-da paytaxtda hava tutqun olacaq, axşama doğru yağış yağa bilər. Səhər və axşam duman olacaq. Mülayim cənub-qərb küləyi şimal-qərb küləyinə keçəcək.
Rəy yaz