Niyaməddin Əhmədov
“Bu cinayət işi tamamən quramadır” – Əli Kərimli
Bakı/15.09.21/Turan: Bu gün, sentyabrın 15-də Bakı Ağır Cinayətlər məhkəməsində Azərbaycan Xalq Cəbhəsi Partiyasının (AXCP) sədri Əli Kərimlinin ictimai əsaslarla mühafizəçisi Niyaməddin Əhmədovun cinayət işi üzrə məhkəmə prosesi keçirilib.
Məhkəmə prosesində sənədlərin tətqiqi başlayıb.
Azərbaycan Xalq Cəbhəsi Partiyasının sədri Əli Kərimli iclasdan sonra jurnalistlərə deyib ki, Niyaməddin Əhmədov həbs olunduğu zaman ağır işgəncələrə məruz qalıb.
“ Məhkəmədə məlum oldu ki, nəyinki istintaq zamanı, hətta Pentensiar Xidmətdə saxlanıldığı zaman ona həm fiziki, həm də mənəvi işgəncə verilib. Ona deyiblər ki, atan ürək xəstəsidir, əgər bilsə ki sən 14 il azadlıqdan məhrum ediləcəksən səncə o yaşayar, ya yox? Ondan mənə qarşı ifadələr verilməsi tələb olunub. O yalan ifadə verməyib və buna görə 17 aydır ortada heç bir şey olmadığı halda içəridədi. O yeganə məhbusdur ki, 17 adyır ailəsi ilə telefon əlaqəsi saxlaya bilmir”- deyə, partiya sədri qeyd edib.
Niyaməddinə Əhmədova qarşı bu cinayət işi tamamən quramadır, daha sonra Kərimli bildirib.
Niyaməddin Əhmədov ötən ilin aprel ayında karantin qaydalarını pozma ittihamıyla saxlanılıb, ona 30 sutka inzibati həbs cəzası kəsilib. Bu cəza başa çatandan sonra ona qarşı Cinayət Məcəlləsinin 214. 1 (terrorçuluğu maliyyələşdirmə) maddəsilə ittiham irəli sürülüb. Bu maddədə 10 ildən 14 ilə qədər azadlıqdan məhrumetmə cəzası nəzərdə tutulub. Azərbaycan Xalq Cəbhəsi Partiyası Niyaməddin Əhmədovun həbsini siyasi hesab edir.
Növbətə məhkəmə prosesi sentyabrın 17-nə təyin edilib.—30D-
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz