Buraxılış ilindən 5 ilə qədər avtomodillər texniki baxışdan azad edilib

Azərbaycan Prezidenti Administrasiyasından ölkə parlamentinə daxil olan «Yol hərəkəti qaydaları haqqında» qanuna düzəlişlər layihəsi ötən cümə Milli Məclis tərəfindən  qəbul edilib. 

Dəyişikliklərə əsasən, yeni avtomobillər (5 ilə qədər istismarda olan) məcbüri texniki baxışdan azad olunurlar. «Bir tərəfdən texniki baxış proseduru sadələşdirilib, digər tərəfdən – yol polisi digər funksiyalarının yerinə yetirmək üçün əlavə vaxt əldə edir. Ən əsası – qanuna uyğun şəkildə əlavə bürokratik süründüməçilik yükündan canı qurtaran vətəndaşlar razıdır», - deyə təqdimat zamanı Milli Məclisin Hüquqi Siyasət və Dövlət Quruculuğu Komitəsinin sədri Əli Hüseynov bildirib.

Layihəyə əsasən, yeni maşınlar istehsal olunduğu gündən 4 il müddətində texniki baxışdan azad olunur. 4 ildən 10 ilə qədər müddət müddətdə texniki baxış 2 ildən bir keçiriləcək. 10 ildən sonra texniki baxış hər il keçiriləcək. 

«Bu gün avtomobillərin istehsalı və beynəlxalq standartlara uyğun olaraq texniki, ekoloji xarakteristikası əla inkişaf edib, ona görə istehsaldan sonra ilk illərdə avtomobillərin texniki baxışı formaldır. İllik texniki baxışın keçirilməsinə növbələr azalacaq, ölkəyə ikinci əl deyil, yeni maşınların gətirilməsi stimullaşdırılacaq», -  deyə Əli Hüseynov qanuna dəyişikliyi şərh edib. 

AR Dövlət Yol Polisi Baş İdarəsinin məlumatına görə, ölkədə (martın 1-ə olan vəziyyətə əsasən) 1,15 mln-dan bir qədər artıq şəxsi avtomobil qeydiyyatdan keçib. Onların üçdə ikisi (703 min) Bakıda qeydiyyatdan keçib. 

2012-ci ildə $1 mlrd. 119,55 mln dəyərində  101 min 255 avtomobil idxal edilib. 

Əsas yük minik avtomobillərin payına düşüb – 89 min 652 vahid ($760mln. 99 min). 9 min 433 yük maşını ($213 mln 350 min.), 1 min 132 xüsusi təyinatlı nəqliyyat vasitəsi ($96 mln 215 min), 10 və daha artıq tutumlu 1038 avtobus ($49 mln 881 min) avtobus gətirilib.

Texniki baxışın keçirilməsi üçün 2 – texniki baxış və yol vergisinə dair qəbz lazımdır. Avtomobilin texniki baxışının təsbit edilmiş məbləği – 20 manat, motosiklet və qoşqunun isə – 10 manatdır. --0--