Bakı/04.05.18/Turan: "Azərbaycan Beynəlxalq Bankı" ASC-nin keçmiş sədri Cahangir Hacıyevin bacısı Əminə Hacıyeva prezident İlham Əliyevə Ədliyyə Nazirliyinin məmurları tərəfindən onlara qarşı davam edən ədalətsiz münasibətin qarşısını almaq xahişi ilə müraciət edib.
Ə.Hacıyeva qeyd edir ki, 2017-ci il sentyabrın 15-dən başlayaraq ona 13 saylı cəzaçəkmə müəssisəsində saxlanılan qardaşı ilə görüşməyə icazə vermirlər.
C.Hacıyevin başqa yaxın qohumları ilə görüşünə də icazə verilmir, o, tamamilə təcrid edilib.
Ə.Hacıyeva qeyd edir ki, görüşlərdən imtina üçün əsas yoxdur. Bu zaman Ədliyyə Nazirliyinə və Baş Prokurorluğa Penitensiar Xidmətin C.Hacıyevin qohumları ilə görüşlərinə icazə verilməməsi ilə bağlı müraciətlərə heç bir cavab verilmir. Ədliyyə Nazirliyinin və Baş Prokurorluğun rəhbərliyi C.Hacıyevin doğmaları ilə görüşməkdən imtina edir.
"Ümumiyyətlə, bizim ailəmizə qarşı böyük təzyiqlər var. Qızımı işdən çıxarıblar, mənim ölkədən çıxmağıma qadağa qoyulub, bizimlə bağlı adı notariat əməliyyatlarının keçirilməsi müşküldür. İş o yerə çatıb ki, anam vəfat etdikdənsonra vərəsəlik sənədlərini belə rəsmiləşdirmirlər", deyə Ə.Hacıyeva Azərbaycan prezidentinə yazır.
Amma ailə üçün ən böyük problem C.Hacıyevlə görüşlərə icazə verilməməsidir.
C.Hacıyevin səhhətində ciddi problemlərlə əlaqədar bu, ailə üzvlərini daha çox narahat edir.
Buna görə, C.Hacıyevin bacısı prezidentdən ABB-nin keçmiş sədrinin ailə üzvləri ilə görüşlərinin bərpa olunmasına kömək etməyi xahiş edir.
* 2015-ci ildə ABB-də böyük maliyyə pozuntuları aşkar edilib. ABB-nin keçmiş rəhbəri Cahangir Hacıyev 15 il müddətinə azadlıqdan məhrum edilib, amma özünü təqsirli bilməyib və bildirib ki, bütün böyük kreditlər Müşahidə Şurasının razılığı ilə verilirdi. Onunla birlikdə ABB-nin bir sıra filiallarının keçmiş rəhbərləri də azadlıqdan məhrum edilib. -06B-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz