Daxili İşlər Nazirliyi narkotik vasitələrin qanunsuz dövriyyəsilə məşğul olan cinayətkar qrupu zərərsizləşdirib.
Keçirilən əməliyyat nəticəsində bu cinayət üstündə əvvəllər də məhkum olunan Astara rayon sakinlərindən ibarət 6 nəfərlik dəstə saxlanılıb. Baxış zamanı cianyətkar dəstədən 2,6 kiloqram narkotik vasitə, o cümlədən 1,4 kiloqram tiryək, 703 qram heroin, 500 qrama yaxın həşiş qətranı aşkarlanıb.
Bundan əlavə, dəstə üzvlərindən 7 patronu ilə birgə 1 ədəd “Naqan” tipli tapança, 98 gülləsilə birlikdə 1 ədəd pnevmatik tapança, elektron tərəzi, 1ədəd maska müsadirə edilib.
Fakt üzrə cinayət işi başlanıb, istintaq aparılır. -05D-
Cəmiyyət
-
Səhər saat 11:00-da paytaxtda güclü leysan yağmağa başlayıb və günün ikinci yarısına qədər davam edəcək, sinoptiklər bildiriblər.
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
Rəy yaz