Elman Həsənov Xədicə İsmayılovaya qarşı iddialarını əsaslandıra bilmir
Bu gün Bakının Binəqədi rayon məhkəməsində jurnalist Xədicə İsmayılovaya qarşı proses davam edib. İddiaçı qismində çıxış edən keçmiş müxalifətçi Elman Türkoğlu (Həsənov) İsmayılovanın facebook-da onun xüsusi xidmətlər tərəfindən müxalifət daxilində təxribatçılıq fəaliyyəti məqsədilə cəlb edildiyi haqqında sənəd yaymaqla, ona böhtan atdığını iddia edir.
Həsənov bildirir ki, bu, saxta sənəddir. Öz növbəsində, İsmayılova onun yaydığı sənəddə Həsənovun soyadının olmadığını qeyd edir.
Məhkəmə iclasında Türkoğlu bildirib ki, bu ilin mart ayında İsmayılovanın dərc etdiyi mətnlə bağlı MTN-ə müraciət edib, amma cavab almayıb. Bu ilin sentyabrında İsmayılova Varşavada səfərdə olarkən o, yenidən MTN-ə müraciət edib və ona məhkəməyə müraciət etməyi təklif ediblər və sənədi oraya göndərməyi vəd ediblər.
Türkoğlu deyib ki, bu material hələ 2011-ci ildə facebook-da “Xilas” qrupunda yayılıb. Onun sözlərinə görə, bunu İsmayılova jurnalist Natiq Ədilovla birlikdə edib.
Bununla əlaqədar, vəkil Elton Quliyev Türkoğluna sual verib – 2011-ci il tarixli sənəddə “Elman Həsənbəyli”nin adı göstərildiyi halda, onun doğum tarixi isə iddiaçının doğum tarixi ilə üst-üstə düşmədiyi halda, o materialda özünü necə tanıyıb? Türkoğlu bu suala aydın cavab verə bilməyib.
Bundan sonra hakim növbəti iclasın oktyabrın 11-də keçiriləcəyini elan edib.
İsmayılova Turan-ın müxbiri ilə söhbətində özünə qarşı iddianı predmetsiz, onun vaxtını alan iddia adlandırıb. Onun fikrincə, bu iddianın sıfarişçisi MTN-dir, iddiaçı isə ona qarşı hansı iddiaları olduunu aydın şəkildə izah edə bilmir, belə ki, onun yaydığı variantda cəlb edilmiş casusun adı silinib.
Xatırladaq ki, bu mövzuda nəşrlər 2011-ci ildə facebook-da Mustafa Kozlu adlı istifadəçinin adından yayılıb. -06/03B-
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz