![Cocuq Mərcanlının bərpası «Böyük qayıdış» konsepsiyasının ilk addımıdır](https://turan.az/resized/media/2017/main/020800182618-750-500-resize.webp)
Cocuq Mərcanlının bərpası «Böyük qayıdış» konsepsiyasının ilk addımıdır
Cəbrayıl rayonunun Cocuq Mərcanlı kəndinin bərpası məcburi köçkünlərin doğma yurdlarına qaytarılması üzrə ilk pilot layihə olacaq. Bu addımları beynəlxalq təşkilatlar dəstəkləyir, bu barədə Azərbaycan XİN-in rəsmi nümayəndəsi Hikmət Hacıyev jurnalistlərə bildirib.
Azərbaycan indiyədək 95 qəsəbə və yaşayış kompleksi tikib, 250 min məcburi köçkünü mənzillə təmin edib. Amma Cocuq Mərcanlı bərpa edildikdə məcburi köçkünlər artıq doğma yurdlarına qayıdacaqlar, deyə öz növbəsində Qaçqınların İşləri üzrə Dövlət Komitəsinin sədr müavini Fuad Hüseynov bildirib.
Onun sözlərinə görə, bu, bütün rayonlardan olan məcburi köçkünlərin “Böyük qayıdış” konsepsiyasının həyata keçirilməsində ilk addımdır.
Birinci mərhələdə 50 ev bərpa ediləcək və artıq 200 ailə onların qayıtması üçün şərait yaratmaq xahişi ilə müraciət edib. Növbəti mərhələdə bu kəndin bütün sakinləri qaytarılacaq.
Fevralın əvvəllərində buna hazırlıq: ərazilərin mina və partlamamış döyüş sursatlarından təmizlənməsi başlayıb. Eyni zamanda, vətəndaşlara şəxsi mülkiyyət kimi torpaq sahələrinin verilməsi və kəndin iqtisadi inkişafı üzrə işlər aparılır.
Cəbrayıl rayon İcra Hakimiyyətinin başçısı Kamal Həsənovun verdiyi məlumata görə, işğaldan əvvəl kənddə 1075 nəfər – 283 ailə yaşayırdı, məktəb, kitabxana, tibb məntəqəsi, poçt, dəyirman, yerli administrasiya fəaliyyət göstərirdi. Kəndin ümumi sahəsi 1605 ha idi, bunun 1134 hektarı kənd təsərrüfatı yerləridir.
Yerli sakinlər taxılçılıq, üzümçülük, heyvandarlıqla məşğul olurdu.
Hazırda kənd sakinləri Azərbaycanın 17 şəhər və rayonuna yerləşdirilib. Dağıdılmış kənddə bütün bu illər ərzində bir ailə - Həziyevlər ailəsi yaşayırdı. Onlar 1994-cü ilin yanvarında kənd azad edildikdən sonra qayıdıb. -06С-
-
- İqtisadiyyat
- 8 Fevral 2017 17:43
-
- İqtisadiyyat
- 8 Fevral 2017 19:16
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz