Manatın güclənməsi müvəqqətidir – Natiq Cəfərli
Manatın güclənməsi müvəqqətidir və tezliklə qiymətdən düşəcək, deyə “Respublika Alternativi” (REAL) hərəkatının icraçı direktoru iqtisadçı Natiq Cəfərli bildirib.
Ekspert Turan müxbiri ilə söhbətində deyib ki, dünyanın başqa maliyyə bazarlarında manatın ucuzlaşması ABŞ-ın daxili problemləri və Trampın qərarları ilə bağlı olsa da, Azərbaycanda inzibati qərarlarla əlaqədardır.
«Manatın güclənməsinin iqtisadi əsasları yoxdur. Ölkə idxaldan asılıdır. Azərbaycan dolları yalnız SOCAR sayəsində alır», deyə o bildirib.
İqtisadçı hesab edir ki, bu, AMB-nin monetar siyasətinin sərtləşməsinin nəticəsidir. Pul kütləsi azalıb, manat qıtlığı yaradılıb. AMB depozit hərraclarında manat toplayır.
N.Cəfərli qeyd edib ki, fevralın II yarısından büdcə xərcləri başlayacaq və manat həcmi artacaq. Martda 9 gün qeyri-iş günü olacaq, çoxları xaricə gedəcək. İqtisadçının fikrincə, bu, xarici valyutaya tələbatı artıracaq.
Qeyd edək ki, manatın məzənnəsi 2016-cı ilin oktyabrından düşürdü, fevralın əvvəlində cüzi möhkəmlənmə olub.
Hazırda dolların rəsmi məzənnəsi 1,9111 manatdır. Banklar dolları əhalidən 1,86-1,88 manata alıb 1,92-1,94 manata satır. 71D
-
- Cəmiyyət
- 8 Fevral 2017 17:54
İqtisadiyyat
-
Azərbaycan, hal-hazırda ümumi enerji istehsalında 14.4% təşkil edən bərpa olunan enerji mənbələrindən əldə olunan elektrik enerjisinin payını əhəmiyyətli dərəcədə artırmağa hazırlaşır, deyə İqtisadiyyat Naziri müavini Səməd Başırlı cümə axşamı Bakı şəhərində keçirilən İqtisadi Əməkdaşlıq Təşkilatı (İƏT) Think Tanklar Forumu zamanı bəyan etdi.
-
Azərbaycan, tullantıların təkrar emalını artırmaq və davamlı inkişafı təşviq etmək məqsədilə pyroliz yağı istehsal layihəsini həyata keçirmək üçün italyan enerji şirkəti Technip Energies SpA ilə tərəfdaşlığa daxil olub, rəsmilər çərçivəsində məlumat verildi.
-
Oktyabrın 3-də Əsədovun Minskə rəsmi səfəri çərçivəsində Belarusun Baş naziri Roman Qolovçenko ilə Azərbaycanın Baş naziri Əli Əsədov arasında aparılmış danışıqlardan sonra çərşənbə axşamı Belarus və Azərbaycan arasında bir sıra əməkdaşlıq sazişləri imzalanıb.
-
Azərbaycanın dövlət borcları artmaqda davam edir, baxmayaraq ki, ölkə hələ də qlobal neft qiymətlərinin yüksək olmasından faydalanır. Azərbaycan Maliyyə Nazirliyinin məlumatına görə, 2024-cü ilin ilk yarısına olan vəziyyətə əsasən, ölkənin dövlət borcu 25 milyard manat təşkil edib ki, bu da Ümumi Daxili Məhsulun (ÜDM) 21%-nə bərabərdir.
Rəy yaz