![Daha 10 dini icmaya maliyyə vəsaiti verilib](https://turan.az/resized/750/500/resize/media/2015/main/090400128549.jpg)
Daha 10 dini icmaya maliyyə vəsaiti verilib
Cümə günü Dini Qurumlarla İş üzrə Komitədə (DQDK) maliyyə yardımı ayrılmış daha 10 dini icma sədrilə toplantı keçirilib.
Komitə sədrinin birinci müavini Səyyad Salahlı ölkədə dini maarifçilik və milli-mənəvi dəyərlərin təbliğini daha da gücləndirmək üçün dini icmalara maliyyə yardımı ayrıldığını deyib. S.Salahlı qeyd edib ki, ayrılan maliyyə vəsaitləri icmaların təqdim etdikləri layihələr əsasında yerlərdə dini maarifləndirmə işlərinin yüksək səviyyəyə çatdırılması üçün müəyyən edilir. Bundan əlavə, dini radikalizm və ekstremizmin mahiyyətinin izah olunması, islam dini ənənələrinin və milli-mənəvi dəyərlərin daha geniş şəkildə ictimaiyyətə çatdırılması da icra edilən layihə çərçivəsindədir. Həyata keçirəcəkləri layihələrin əsas hədəflərinin gənclər olması icma sədrlərinə xüsusi şəkildə tövsiyə edilib.
Qeyd edək ki, 2014-cü ilin noyabrında imzalanan sərəncamla 67 dini icmaya maliyyə yardımı verilib. Bunların 19-u qeyri-islam, 48-i isə islam dini icmalarıdır. İcmalar verilən vəsaitlər hesabına yerlərdə dini maarifçilik və milli-mənəvi dəyərlərin təbliği yönündə tədbirlər icra edirlər. -05D-
-
- İqtisadiyyat
- 4 Sentyabr 2015 18:55
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz