Sentyabrın 15-dən Bakı və Sumqayıt arasında (35 km) yeni elektrik qatarları fəaliyyətə başlayacaq. Hərəkət vaxtı 40 dəqiqə təşkil edəcək, bu, Bakı-Xırdalan-Sumqayıt dəmir yolu hissəsinin yenidənqurmasından sonra mümkün olub.
Bu istiqamətdə 8 qatar fəaliyyət göstərəcək, onlar saat 06:00-dan 24:00-a qədər hərəkət edəcək.
Səkkiz qatardan 3-ü İsveçrənin Stadler Rail Group şirkətinə məxsus ikimərtəbəli qatarlar olacaq, deyə “Azərbaycan Dəmir Yolları” QSC-nin mətbuat xidmətinin rəhbəri Nadir Azməmmədov Turan-a bildirib.
Saat 6-dan 12-yə qədər və 16-dan 24-ə qədər elektrik qatarları hər 30 dəqiqədə bir, saat 12-dən 16-ya qədər isə bir saatda bir hərəkət edəcək.
Qatarlar Bakı dəmiryolu vağzalından Keşlə, Biləcəri, Xırdalan, Güzdək, Sumqayıt stansiyaları vasitəsilə hərəkət edəcək.
İkinci mərhələdə Bakı-Sumqayıt arasındakı qatarlar Saray, Goradil, Fatmayi, Pişağı, Kürdəxanı, Zabrat, Sabunçu, Bakıxanov qəsəbələrini əhatə edən dairəvi yolla hərəkət edəcək.
Hələlik Bakı-Sumqayıt qatarlarının bilet qiyməti müəyyən edilməyib. Azməmmədovun sözlərinə görə, qiymətləri Tarif Şurası müəyyən edəcək.
“Azərbaycan Dəmir Yolları” QSC-nin bu məsələ ilə bağlı öz təklifi yoxdur, amma qurum qiymətlərin əhalinin imkanlarını maksimum dərəcədə nəzərə almasının tərəfdarıdır.
Hazırda Bakı-Sumqayıt elektrik qatarları Zabrat qəsəbəsindən keçir və hərəkət müddəti 1,5 saat təşkil edir. Bununla və intervalın böyük olması ilə əlaqədar bu nəqliyyat növündən geniş istifadə olunmur və o, səmərəli deyil. -06D-
İqtisadiyyat
-
Azərbaycan 27 noyabr 2024-cü ildə verilmiş prezident fərmanına əsasən, azad edilmiş ərazilərdə kənd təsərrüfatı torpaqlarının icarəyə verilməsini sadələşdirmək, investisiyaları cəlb etmək və kənd təsərrüfatının məhsuldarlığını artırmaq məqsədilə yeni qaydalar tətbiq edib.
-
Asiya İnkişaf Bankı (AIB) Azərbaycan pərakəndə ticarət sektorunu dəstəkləmək üçün 10,5 milyon dollar ayırdı və bu, ölkənin iqtisadi modernləşməsinə davamlı dəstəyində növbəti addım oldu. Bu investisiyalar Azərbaycanın iqtisadiyyatını şaxələndirmək və dayanıqlı inkişafın əsas sütunlarından biri olan kiçik və orta sahibkarlığı (KOS) gücləndirmək istiqamətində daha geniş məqsədlərinə uyğun gəlir.
-
Bu gün Milli Məclisin iclasında Azərbaycanın deputatları 2025-ci il üçün minimum yaşayış səviyyəsinin artırılmasını nəzərdə tutan qanun layihəsini birinci oxunuşda müzakirə edib və təsdiqləyiblər. Yenilənmiş rəqəmlər 10 manatlıq mülayim artımı əks etdirir və ölkə üzrə yaşayış minimumu 285 manat olaraq müəyyən edilib. Xüsusi əhali qrupları üçün bu göstəricilər 305 manat (işləyən əhali üçün), 232 manat (pensionerlər üçün) və 246 manat (uşaqlar üçün) təşkil edir. Eyni iclasda gələn il üçün ehtiyac meyarı da 285 manat məbləğində təsdiq edilib ki, bu da milli yaşayış minimumu ilə eyni səviyyədədir.
-
Bu il Avstraliyanın Fortescue Future Industries (FFI) holdinqinin Azərbaycanda "yaşıl" layihələrin inkişafına dair planları yenidən tənzimlənib, lakin iki il əvvəl başlayan danışıqlar davam edir, Turan-a məlumatlı mənbə bildirib.
Rəy yaz