Мирфейзулла Сеидов
Bakı/11.05.18/Turan: AXCP fəalı Mirfeyzulla Seyidova qarşı CM-in yeni maddəsi 234.4.3 (küllü miqdarda narkotik maddə satışı) ilə ittiham irəli sürülüb.
Mayın 10-da Nərimanov Rayon Məhkəməsi onun barəsində həbs qətimkan tədbiri seçib və oradan Kürdəxanı təcridxanasına etap edilib, Turan-a AXCP-dən bildiriblər.
Vəkil Cavad Cavadov M.Seyidovun müdadiəsinə qoşulub.
O, Turan-ın müxbirilə söhbətində bildirib ki, hələlik M.Seyidovla görüşə bilməyib.
Vəkilin ittihamın mahiyyəti ilə bağlı məlumatı yoxdur. Ancaq onu bilir ki, istintaqı DİN Mütəşəkkil Cinayətkarlığa Qarşı Mübarizə İdarəsi aparır.
Vəkil həbsdən apellyasiya şikayəti verməyə hazırlaşır.
O, M.Seyidovun səhhətində ciddi problemlərin olduğunu deyib. Doğmalarının sözlərinə görə, o, şəkərli diabet və böyrək xəstəliyindən əziyət çəkir, müntəzəm dializ prosedurundan keçir. Mayın 11-də növbəti prosedur olmalıdır.
M.Seyidov 1980-cı illərin əvvəli və 1990-cı illərin sonlarında milli-demokratik hərəkatın fəal iştirakçısı olub.
O, son həftə qanunsuz narkotik maddə dövriyyəsi ilə ittiham olunaraq həbs edilən ikinci fəaldır.
Bundan öncə mayın 6-da AXCP fəalı Orxan Baxışlı həmin ittihamla həbs edilib.-03D06--
Cəmiyyət
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
-
Bakının məşhur restoranlarından olan “Şuşa” restoranın söküntüsü davam etdirilir. Bu gün səhər saatlarında bir neçə ekskavator restoranının ətrafında söküntü işlərini davam etdirib.
-
Mobil operator sənaye təhlükəsizliyi və rifah sahəsində nümunəvi fəaliyyətinə görə təltif edildi “Azercell Telekom” MMC “Sənaye Təhlükəsizliyi Zirvəsi”ndə “İşçi Rifahı 2024” mükafatı ilə təltif edilib. Tədbir Fövqəladə Hallar Nazirliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun və “Azərbaycan Sənaye Təhlükəsizliyi Assosiasiyası” İctimai Birliyinin birgə təşkilatçılığı ilə baş tutub. Belə ki, münsiflər heyəti lider mobil operatorun SƏTƏM (Sənaye Əməyin Təhlükəsizliyi və Ətraf Mühitin Mühafizəsi) sahəsində fəaliyyətini yüksək qiymətləndirib. Azercell işçi rifahı, sənaye təhlükəsizliyi, ətraf mühit standartlarının təkmilləşdirilməsi və iqlim dəyişikliyi ilə mübarizə istiqamətində həyata keçirdiyi layihələrlə fərqlənib.
Rəy yaz