Təbriz bazarı.anaj.ir
Bakı/26.02.18/Turan: Dünya Azərbaycanlıları Konqresi (DAK) İran rəsmilərindən zorakı siyasətinə son qoymağı, ölkə xalqlarının ana dilində yazıb-oxumaq istəyinə sayğıyla yanaşmağı tələb edib.
DAK İdarə Heyətinin bəyanatında İrandakı Azərbaycan türklərinin ana dilində təhsil haqqının bərpa olunması istənilir.
Sənəddə bildirilir ki, DAK İranda yaşayan soydaşlarının "Ana dili hərəkatı"nı bəyənir və müdafiə edir.
"Ana dilinin tədrisi, öyrədilməsi və qorunması uğrunda İran türklərinin apardıqları mübarizə xalqın ölüm-dirim məsələsidir", - bəyanatda vurğulanır.
Rəsmi Tehran DAK-ın bəyanatına hələ münasibət bildirməyib.
Müxtəlif mənbələrdə İranda yaşayan azərbaycanlıların sayı 15 - 35 milyon arasında göstərilir. Bu, İran əhalisinin 18%-50%-i deməkdir. Bununla belə, İranda azərbaycanıların kompakt yaşadığı Şərqi Azərbaycan, Qərbi Azərbaycan, Ərdəbil və digər ostandarlıqlarında Azərbaycan dilində məktəblər yoxdur.
İranda yaşayan azərbaycanlılar dəfələrlə öz dillərində məktəblərin açılması təşəbbüsü ilə aksiyalar keçiriblər, ölkə parlamentində məsələ qaldırıb.
Dünya Azərbaycanlıları Konqresi dünyadakı Azərbaycan diasporunun bir hissəsini birləşdirən beynəlxalq təşkilatdır.
Qurum 1997-ci ildə ABŞ-da yaradılıb. Onun dünyanın 30-dək ölkəsində şöbələri var.
Hər il dünyada fevralın 21-i "Ana dili" Günü kimi qeyd edilir.--0-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz