Bakı/26.02.18/Turan: "Məmmədli" nəşriyyatı yeni - "İngiliscə-Azərbaycanca [izahlı] kompüter terminləri lüğəti"ni çapdan buraxıb. Bu, lüğətin işlənmiş və əlavələr olunmuş 3-cü nəşridir. İlk dəfə lüğət 2014-cü ildə 600 nüsxə ilə buraxılmışdı.
Lüğəti tərtib edən Rafiq Məmmədli deyir ki, bu nəşrdə lüğətə 300-ə qədər yeni termin əlavə edilib, bir çoxlarının izahı yenidən işlənib, 50-dək aktual olmayan söz və ifadə lüğətdən çıxarılıb. Lüğətin üslubu istifadə üçün daha da asanlaşdırılıb. Ən əsas isə lüğətin kağız nəşri ilə eyni zamanda tamamilə pulsuz elektron versiyası da [enaz.online] hazırlanıb işə salınıb. Lüğətin proqram əlavələrini proqramçı Emin Hüseynov həyata keçirib.
Lüğət Azərbaycan Respublikası Nazirlər Kabineti yanında Terminologiya Komissiyasının qərarı ilə nəşr olunur.
Kitabın ön sözündə belə yazılıb:
"Sahəyə aid 60 minə yaxın termindən seçilən 10 min 150-dən artıq ən çox rastgəlinən, gündəlik istifadə olunan, kompüterdə çalışanların bilməsi vacib olan sözlərdən ibarət bu lüğət izahlıdır və öyrətmə funksiyası daşıyır. Lüğət smartfon və sosial şəbəkə istifadəçiləri üçün də faydalıdır: Facebook, Tvitter, messencer və çət proqramlarına aid ən aktual terminlər də buraya əlavə olunub. Kitabda ən vacib Photoshop, Corel kimi qrafiki proqram terminlərinə də xeyli yer ayrılıb".
Kitabı paytaxtın kitab mağazalarından əldə eləmək olar.
Mədəniyyət
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
-
25 noyabr – Qadınlara Qarşı Zorakılığın Aradan Qaldırılması üzrə Beynəlxalq Gün ilə başlayan və 10 dekabr – İnsan Hüquqları Günü ilə tamamlanan 16 günlük fəallıq kampaniyası qadınlara qarşı zorakılığın dayandırılması üçün qlobal çağırış platformasıdır. Bu müddətdə maarifləndirmə tədbirləri, hüquqi islahat təşəbbüsləri və ictimai kampaniyalar həyata keçirilir.
Rəy yaz