Dələduzluq edən şirkət hələ də əməllərindən qalmır

Xırdalan şəhər sakini Malik Hüseynov mənzil tikintisi adı ilə “Fuad-LTD” şirkəti tərəfindən aldadılması ilə bağlı mətbuata müraciət ünvanlayıb.

M.Hüseynov 2006-cı ildə şirkətin Xırdalanda inşa edilən (M.Hüseynzadə küç1, ev9) binasında 121 və 122 saylı mənizlləri alıb. Bir mənizlin pulu tam, digəri isə 50% ödənilib, bununla bağlı şikrətlə şəxs arasında müavilə imzalanıb.

Binanın tikintisi 2009-cü ilə kimi davam edib, 2009-cu ildə vətndaşları aldatdıqlarına görə şirkət rəhbərliyi həbsə alınıb, istintaq başlanıb, M.Hüseynov zərərçəkən kimi dindirilib.

İstintaqdan sonra tikintinin davam etdirilməsi, zərərçəkənlərin evlərinin tikilib təhvil verilməsi “Abşeron LTD 2013” adlı firmaya həvalə edilib.

M.Hüseynov qeyd edir ki, 2006-cı ildə aldığı mənzillərin 2014-cü ilin dekabrında firma rəhbərliyi başqa şəxslərə satıb, hazırda evi alan şəxslər  burada təmir aparırlar. M.Hüseynov isə hələ də kirayədə yaşamağa məcbur olduğunu nəzərə çatdırır.

Bu şirkətin dələduzluğu, mənzil tikintisi adı ilə vətəndaşların pullarını mənimsənməsi ilə bağlı aldadılan vətəndaşlar 2006-cı ildən bu yana dəfələrlə mətbuat konfransları keçiriblər. O zaman Abşeron rayon başçısı Zakir Fərəcov aldadılan vətəndşaların müəyyən hissəsinin mənzillə təımin ediləcəyi vədi verib. Amma gerçəkdə vətəndaşların mənzillə təmin edilib-edilməməsi sona qədər  mətbuata açıqlanmayıb.

Ölkə mətbuatının yazdığına görə isə bütünlükdə 25-ə qədər şirkət mənzil tikintisi adı ilə vətəndaşları aldadıb. Aldadılan vətəndaşların sayının 40 min nəfərdən çox olduğu bildirilir. Fırıldaqçı şirkətlərin rəhbərlikləri həbsə alınsa da, indiyə kimi aldadılan vətəndaşların pullarının qaytarılması kimi bir hal müşahidə olunmayıb. -05D-