Bakı/25.07.17/Turan: Avqusutun 1-dən 11-dək Bakıda keçiriləcək "Dəniz kuboku - 2017" beynəlxalq müsabiqəsi ilə əlaqədar mətbuat konfransı keçirilib. Mətbuat konfransında müsabiqənin qaydaları izah edilib. Bu haqda xəbəri Müdafiə Nazirliyi yayıb.
Mətbuat konfransında müsabiqənin təşkili və keçirilməsi qaydaları, təhlükəsizlik və təşkilati məsələlər izah edilib. Habelə müsabiqənin mərhələ və epizodları, o cümlədən onların keçiriləcəyi yerlər haqqında ətraflı məlumat verilib.
Mətbuat konfransında müsabiqənin artilleriya atəşlərinin yerinə yetirilməsi, gəminin dayanıqlığı uğrunda mübarizə, xilasetmə və dəniz hazırlığı üzrə üç mərhələdə keçiriləcəyi bildirilib: "Müsabiqədən məqsəd iştirakçı ölkələrin Silahlı Qüvvələrinin şəxsi heyətinin döyüş hazırlığının artırılması, təcrübə mübadiləsi və hərbi qulluqçular arasında dostluq münasibətlərinin yaradılmasıdır", deyə qeyd olunub.
Yarışlara 300 nəfər şəxsi heyətin qatılması gözlənilir.-05D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz