Deputat məhkəmə icraçılarının qadına və kiçik qıza qarşı zorakılığını pisləyib
Quba rayonunda məhkəmə icraçıları 10 yaşlı Nuray Bayramzadəyə və onun xalasına qarşı zorakılıq edib. Hadisə məhkəmənin qızın uzun illər sonra ortaya çıxan ataya verilməsi haqqında məhkəmə qərarının icrası ilə bağlıdır. Qız anasının ölümündən sonra uzun illər onu tərbiyə edən xalası ilə qalmaq istəyir. Bu barədə Turan-a Quba rayonundan olan deputat Vahid Əhmədov bildirib.
Deputatın sözlərinə görə, o, bu məsələ ilə bağlı Quba rayon məhkəməsinin sədri ilə danışıb. O, tərəfləri barışdırmağa çalışıb, amma bu alınmadıqda, uşağın ataya verilməsini nəzərdə tutan hüquq normalarını tətbiq etmək məcburiyyətində qalıb.
Qızın xalası apellyasiya və kassasiya şikayətləri verib, amma yuxarı məhkəmə instansiyaları birinci instansiya məhkəməsinin qərarını qüvvədə saxlayıb.
Deputat Əhmədov uşağın zorla alınmasını da, bunun üçün uşağa və xalasına güc tətbiq edilməsini də yolverilməz hesab edir. Deputat deyib ki, bu məsələni araşdıraaq və müvafiq qurumlara müraciət edəcək.
“Bu, yolverilməzdir. Hər şeyin bir həddi-hüdudu var. Məhkəmə qərarına etiraz etmirəm, amma məhkəmə icraçılarının güc tətbiq etməsi, xüsusilə uşağa və qadına qarşı, nə milli mentalitetlə, nə insan etikası ilə bir araya sığmır.
Mən bu barədə ədliyyə nazirinin müavini ilə danışmışam. Mənə deyiblər ki, onların məlumatı var və zəruri tədbirlər görüləcək”, deyə Əhmədov qeyd edib.
Məhkəmə icraçılarının güc tətbiq etməsinin videogörüntüləri İnternetdə yayılıb. -05C-
-
- Cəmiyyət
- 7 Yanvar 2017 11:41
-
- Mədəniyyət
- 7 Yanvar 2017 12:59
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz