![Aydın Qurbanov](https://turan.az/resized/750/500/resize/media/2019/main/071300020220.jpg)
Aydın Qurbanov
Deputat Zahid Orucun tənqidindən sonra Baş Prokurorluq təkrar açıqlama verib
Bakı/13.07.19/Turan: Cümə günü Baş Prokurorluq Gəncə hadisələrinə görə həbs olunmuş Aydın Qurbanovun Penitensiar xidmətinin müalicə müəssisəsində vəfat etməşilə bağlı açıqlama yayıb.
Açıqlamada deyilir ki, A.Qurbanov intensiv müalicə aparılmasına baxmayaraq, vəfat edib. Bundan sonra Nizami Rayon Prokurorluğunun müstəntiqi mərhumun müalicə aldığı palata və meyitə məhkəmə-tibb ekspertləri, müalicə müəssisəsinin nümayəndələri və hal şahidlərinin iştirakı ilə baxış keçirib.
Ölümün səbəblərinin araşdırılması üçün A.Qurbanovun cəsədi iyulun 10-da saat 00:20-də Məhkəmə-Tibbi Ekspertiza və Patoloji Anatomiya Birliyinin Nizami rayon bölməsinə göndərilib. Həmin gün saat 10:00-da məhkəmə-tibbi ekspertlər mərhumun qohumu Suliddin Bayramovun (1988-ci ildə anadan olub) iştirakı ilə cəsədə baxış keçirilib. Baxış zamanı xəsarət və ya zədə izi aşkar edilməyib. Həmin gün saat 13:30-da mərhumun cəsədi həyat yoldaşına və qohumlarına verilib.
11 iyul saat 10:30-da prokurorluğa A.Qurbanovun xəstəlikdən ölməsi barədə ilkin rəy daxil olub və saat 12:00-da Baş Prokurorluq və Ədliyyə Nazirliyinin Penitensiar Xidməti tərəfindən ictmaiyyət məlumatlandırılıb.
Baş Prokurorluğun təkrar məlumatı Milli Məclisin iclasında deputat, Sosial Araşdırmalar Mərkəzi İdarə Heyətinin sədri Zahid Orucun A.Qurbanovun ölümü ilə bağlı bəyanatından sonra yayılıb.
Deputat bildirib ki, hüquq-mühafizə orqanları məhbusun ölümü ilə bağlı rəy verməkdə gecikiblər.
"Ədliyyə sistemində və prokurorluq orqanlarında dustağın ölümündən istifadə edərək hakimiyyətə qarşı siyasət aparan qüvvələrin cəhdlərini görməliydilər", - Z.Oruc deyib.
Bundan öncə A.Qurbanovun xanımı həbsdən sonra onun işgəncələrə məruz qaldığını bildirmişdi. Onun sözlərinə görə. A.Qurbanov xəstələndikdən sonra uzun müddət onu müalicə etməyiblər, keyfiyyətli tibbi yardım göstərməyiblər. Onkoloji xəstəlik aşkar ediləndə artıq gec olub. Sağalmaz xəstəliyə düçar olmasına baxmayaraq, A.Qurbanova son günlərini evdə keçirməsinə icazə verməyiblər. 06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz