Dünən DİN-in Baş Mütəşəkkil Cinayətkarlıqla Mübarizə İdarəsində nazir Ramil Usubovun iştirakı ilə cinayətkarlığa qarşı mübarizə və ictimai asayişin təmin edilməsi məsələlərinə həsr edilmiş müşavirə keçirilib.
BMCMİ rəhbəri Mirqafar Seyidov bildirib ki, 2013-cü ildə 96 nəfərdən ibarət 20 mütəşəkkil cinayətkar dəstə ifşa edilib.
Onlar tərəfindən bütövlükdə 131, o cümlədən 53 dələduzluq, 10 qaçaqmalçılıq, 2 mənimsəmə, narkotiklərin satışı və saxlanılması ilə əlaqədar 21, silahların qanunsuz dövriyyəsi ilə bağlı 8 cinayət törədilib.
Dəstə üzvlərindən 44,4 kiloqrama yaxın narkotik maddə və iki partlayıcı maddə müsadirə edilib.
Bundan başqa, 78 minə yaxın saxta Azərbaycan manatı aşkar edilib.
Bundan əlavə, qanunazidd olaraq qumar oyunları təşkil edən 13 sahibkarlıq obyektinin fəaliyyəti dayandırılıb. -16D-
Cəmiyyət
-
İyulun 19-da Bakıda və Abşeronda hava tutqun olacaq, yarımadada yağış yağa bilər. Havanın temperaturu gündüz müsbət 31+36 dərəcə olacaq. Şimal-qərb küləyi əsəcək. Gündüz rütubət 45-55 faiz arasında olacaq.
-
Azərbaycanda ətraf mühitin təmizliyinə ümumxalq və dövlət qayğısının zəruriliyindən çox danışılır. Hətta Ekologiya və Təbii Sərvətlər Nazirliyi də var ki, bəzən təbiəti və yaşayış məntəqələrini çirkləndirənlərin cərimələndiyini bildirir. Lakin dövlət öz vəzifələrini yerinə yetirmir. Belə ki, məişət tullantılarının toplanması və utilizasiyası üçün yer yaratmır, üstəlik əhalinin tullantıları gözdən uzaq yerə atmasını qadağan edir və paradoksal vəziyyət yaranır. Sakinlər ətraf mühitin mühafizəsi haqqında qanuna məhəl qoymamağa məcbur olur, dövlət isə buna görə onları cəzalandıra bilmir. Nəticədə hər gün təbiət öldürülür.
-
İyulun 16-na keçən gecən Sərhəd Qoşunlarının “Horadiz” sərhəd dəstəsinin sərhədçiləri qaçaqmalçılıq yolu ilə Azərbaycana 17 kiloqram marixuana gətirməyə çalışan Qazax rayon sakini Kamil Rəsulovu saxlayıblar.
-
Daxili İşlər Nazirliyinin Kibertəhlükəsizliyə Qarşı Mübarizə Baş İdarəsinin əməkdaşlarının keçirdiyi əməliyyat nəticəsində Əhməd Məmmədov və Etibar Vəliyev saxlanılıb. Onlar vətəndaşların bank kartlarından pul oğurlamaqda şübhəli bilinirlər.
Rəy yaz