Prezident yanında Dövlət Qulluğu Məsələləri üzrə Komissiyanın inzibati binasının tikintisinə başlanılıb

Prezident yanında Dövlət Qulluğu Məsələləri üzrə Komissiyanın inzibati binasının tikintisinə başlanılıb, O, dövlət büdcəsinə 11 294 254 manata başa gələcək. Hazırda komissiyanın aparatı Müəllimlər İnstitutunda yerləşir. 

«2006-cı ildən 30 nəfərlik komissiya Koroğlu Rəhimov küçəsində 500 m2 sahədə yerləşir. Kütləvi tədbirlər, imtahanlar, müsahibələr üçün yer icarəyə götürməli oluruq. Məsələn, imtahanlar İqtisad Universiteti, Müəllimlər İnstitutu və «Avrasiya» Universitetinin zallarında keçirilir, deyə komissiyanın rəhbəri Vilayət Hüseynov Turan-a bildirib.    

Yeni inzibati binanın tikintisi üçün S.S.Axundov küçəsi ilə Əhməd Rəcəbli küçələrinin kəsişməsində 25 sot torpaq ayrılıb. 6 mərtəbəli binada imtahan zalı, tədris mərkəzi, kitabxana, qəbul otağı olacaq. Bina il yarıma istifadəyə veriləcək. 

Tikinti-quraşdırma və layihə-smeta işləri üçün “BAKİNŞAAT GROUP” MMC ilə müqavilə bağlanılıb.     --0--