Din xadimlərinin təkmilləşdirmə kursları davam edəcək. Bu haqda Turan-a Qafqaz Müsəlmanları İdarəsinin (QMİ) sədri, şeyxülislam Allahşükür Paşazadə bildirib.
O qeyd edib ki, növbəti kurs iyunun 9-dan başlayır və 3 həftə davam edəcək və yenə də bu kurslara 50 nəfər din xadiminin cəlb olunması nəzərdə tutulur. Beləliklə, bir orucluq ayı istisna olmaqla, qalan bütün aylarda kursların davam etdirilməsi qərara alınıb. Həm də hazırda ölkədə QMİ-nin tabeliyində olan bütün dini personal bu kurslardan keçməlidir.
Bu kurslar din xadimlərinin daha çox dövlət-din münasibətlərinə dair hüquqi bilgilər almasını, dindarların cəmiyyətə inteqrasiyası məsələsinə yardımçı olmağı nəzərdə tutur. A.Paşazadə cəmiyyətin dindarları ayrı bir kasta yox, elə özünün parçası bilməsi, eləcə də dindarların özlərini cəmiyyətin bir parçası sayması kimi zərurətin dərk edilməsinin vacibliyini vurğulayıb.
Qeyd edək ki, din xadimlərinin təkmilləşdirilməsi ilə bağlı kurslar Azərbaycanda ilk dəfə təşkil edilir. İlk kurslar fəaliyyətini iyunun 6-da başa vurub. Kursu başa vuran 50 nəfər din xadiminə sertifikatlar təqdim edilib. -05B-
Cəmiyyət
-
Azərbaycan hakimiyyətinin təmsilçiləri tez-tez xalqın onlara yüksək dəstəyindən bəhs edirlər. Onların opponentləri isə hesab edirlər ki, ölkədə azad və ədalətli seçkilər olmadığından xalqın gerçəkdə kimi müdafiə etdiyi mübahisəli məsələdir.
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
Rəy yaz