![Dindarın Azərbaycana gələrkən saxlanıldığı bildirilir](https://turan.az/resized/media/2018/main/111200014704-750-500-resize.webp)
Dindarın Azərbaycana gələrkən saxlanıldığı bildirilir
Bakı/12.11.18/Turan: Ümum Gürcüstan Müsəlmanları Ali Dini İdarəsinin" sədri Şeyx Mirtağı Əsədov Azərbaycan-Gürcüstan sərhəd buraxılış məntəqəsində saxlanılıb.
Bu barədə Turan Agentliyinə Ümum Gürcüstan Müsəlmanları Ali Dini İdarəsindən məlumat veriblər.
İdarənin məlumatına görə, M.Əsədov noyabrın 7-də Azərbaycan sərhədçiləri tərəfindən saxlanılıb.
"Şeyx Mirtağı Əsədov noyabrın 7-də Azərbaycana səfər edib. Onu Azərbaycanın sərhəd buraxılış məntəqəsində saxlayıblar. Sərhədçilərin verdiyi məlumata görə, onu Gürcüstan-Azərbaycan sərhəddindən Bakıya aparıblar. Ailə üzvləri onun saxlanılmasının səbəbi barədə məlumatsızdır. Onu 3 gündür vəkilsiz və ittiham irəli sürülmədən saxlayırlar", idarədən deyiblər.
İdarədən verilən məlumata görə, noyabrın 9-da Gürcüstanın Azərbaycandakı səfirliyinin attaşesi saxlanılan M.Əsədovla görüşüb. Ancaq görüşün detalları haqda idarəyə məlumat verilməyib.
İdarədən onu da deyiblər ki, sabah Gürcüstanın hüquq müdafiə təşkilatları M.Əsədovun saxlanılması ilə bağlı konfrans keçirəcək.
Azərbaycanin əlaqəli qurumlarından hələlik M.Əsədovun saxlanılması barədə rəsmi açıqlama almaq mümkün olmayıb.
Mirtağı Əsədov kimdir?
Ümum Gürcüstan Müsəlmanları Ali Dini İdarəsinin məlumatına görə, M.Əsədov Azərbaycan vətəndaşı olub. Ancaq o, 2 ilə yaxındır ki, Azərbaycan vətəndaşlığından imtina edib.
Onun ailəsinin Azərbaycanda yaşadığı, ailəsinı baş çəkmək üçün ildə bir neçə dəfə Azərbaycana səfər etdiyi bildirilir.
İdarədən deyiblər ki, Ümum Gürcüstanın Müsəlmanlar Ali Dini İdarəsinin sədri olan M.Əsədov son aylarda Gürcüstandakı məscidlərin durumu ilə bağlı tənqidi çıxışlar edib. O, Gürcüstanda məscidlərin dövlət mülkiyyətinə verilməsinə, sovet dövründə dini birliklərə dəyən zərərin kompensasiya edilməsi qaydasına qarşı çıxıb.-0-
-
- İqtisadiyyat Göstəriciləri
- 11 Noyabr 2018 11:55
-
- Cəmiyyət
- 12 Noyabr 2018 11:07
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz