Dini fəal narkotik ittihamı ilə həbs olunub
"Müsəlman Birliyi" Hərəkatının (MBH) Salyanda saxlanılan üzvü Mirsultan Bağırova qarşı narkotik ittihamı irəli sürülüb. Bu barədə Turan-a MBH-dən bildiriblər.
Bağırov barəsində CM-in 234.4.3-cü maddəsi ilə (külli miqdarda narkotik vasitənin qanunsuz yolla əldə olunması və ya saxlanması) 4 ay müddətinə qətimkan tədbiri seçilib. O, 5 ildən 12 ilədək həbs oluna bilər. Bağırov ittihamı təkzib edir.
MBH-dən hesab edirlər ki, o, bu təşkilatın fəaliyyətində iştirakına görə təqib olunur. Bağırov həmçinin daha əvvəl həbs olunmuş dini fəalların ailələrinə yardım göstərirdi.
O, 2021-ci ilin payızında "İran casusları" kimi qələmə verilən dindarların və dini fəalların kütləvi təqibi dalğası başladığı andan etibarən MBH-nin həbs olunan 49-cu üzvüdür. Onlara qarşı rəsmi olaraq narkotik ittihamları irəli sürülür.
Həbslər Azərbaycan-İran münasibətlərinin pisləşməsi fonunda həyata keçirilirdi, lakin münasibətlərdə müəyyən yumşalma olduqdan sonra da həbslər davam edir, deyə MBH-dən qeyd ediblər.
MBH-nin lideri Taleh Bağırzadə də daxil olmaqla, ümumilikdə hərəkatın 59 üzvü həbsdədir.
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz