Фото из открытых источников
Bakı/22.05.17/Turan: Mayın 22-də Dini Qurumlarla İş üzrə Dövlət Komitəsində (DQİDK) maliyyə yardımı ayrılmış 16 dini icma sədrinin iştirakılə tədbir keçirilib. Xəbəri komitə yayıb.
Komitə sədrinin müavini Səyyad Salahlı maliyyələşdiriləcək layihələrin reallaşmasının radikalizmlə mübarizədə öz müsbət təsirini göstərəcəyini bildirib. O, dini icmaları bu sahədə daha fəal olmağa çağırıb.
Dini məzmunu layihələr Azərbaycanın İmişli, Salyan, Sabirabad, Masallı, Ağdaş, Neftçala, Qəbələ, Ucar, Şamaxı, Qobustan, İmişli, Zərdab, Goranboy, eləcə də Bakının rayonlarında icra ediləcəyi bildirilir.
Layihələr əsasən, dini maarifləndirmə və radikalizmlə mübarizə məzmunludur.
Prezident İlham Əliyevin 2014-cü il noyabrın 27-də imzaladığı sərəncama uyğun olaraq, Dini Qurumlarla İş üzrə Dövlət Komitəsi indiyədək 140-dan çox dini icmaya maliyyə yardımı ayrılıb.
Bunlardan 122-i islama aid, yerdə qalanlar isə qeyri-islam icmalarıdır.
Dini icmalara ayrılan maliyyə yardımının məbləği barədə hər hansı informasiya verilmir.--0--
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz