Çərşənbə axşamı Dini Qurumlarla İş üzrə Dövlət Komitəsində (DQDK) qeydiyyatdan keçmiş bir qrup dini icmaya çərşənbə axşamı şəhadətnamələr təqdim edilib. Bu xəbər komitədən məlum olub.
Komitə rəhbərliyi, eləcə də yeni qeydiyyatdan keçən dini icma sədrləri bu məqsədlə təşkil edilən toplantıya qatılıblar. Komitə sədri Mübariz Qurbanlı ölkədə dövlət-din münasibətlərindən danışıb. Ölkədəki dini durumu sabit dəyərləndirib.
M.Qurbanlı ölkədə müxtəlif konfessiyaların mövcud olduğunu və məscidlərlə yanaşı, kilsə və sinaqoqların da fəaliyyətdə olduğunu bildirib.
Dini icmaların fəaliyyətinin yaxşılaşdırılması üçün icmalara maliyyə yardımı ayrıldığı, maliyyə yardımının islam və qeyri-islam dini icmalar üçün nəzərdə tutulduğu xatırladılıb.
Yeni qeydiyyatdan keçən dini icma sədrlərinə tövsiyələr verən komitə sədri onlara yerlərdə axund və imamlarla, eləcə də QMİ nümayəndələri ilə qarşılıqlı əməkdaşlıq və fəaliyyətinin zəruriliyini anladıb. M.Qurbanlı icma sədrlərinə milli-mənəvi dəyərlərin təbliği, radikalizmə qarşı mübarizə yönündə fəaliyyət göstərməyi, milli maraqlardan çıxış etməyi tövsiyə edib. -05D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz