Xədicə İsmayılovanın apellyasiyasına baxılması təxirə salınıb

Jurnalist Xədicə İsmayılovanın keçmiş müxalifətçi Elman Həsənovun (Türkoğlu) iddası üzrə hökmdən verdiyi apellyasiya şikayətinə baxılması qeyri-müəyyən vaxta təxirə salınıb.

Bunun səbəbi təkrar məhkəmə istintaqının keçirilməsi haqqında vəsatəti təmin etməyən məhkəmə qərarından verilib.

Buna görə bu gün Bakı Apellyasiya Məhkəməsində iclas başladıqdan bir neçə dəqiqə sonra təxirə salınıb.

Zal İsmayılovanı alqışlarla qarşılayıb. Jurnalist yenə barmaqlıqlar arxasına oturdulub. Lakin hakim bildirib ki, məsələ onun səlahiyyətlərinə aid deyil.

Turan-ın müxbirinin İsmayılovaya jurnalist həmkarlarına çatdırmaq istədiyi bir şey olub-olmadığı haqqında müraciətinə cavabda o deyib: “Möhkəm durun. Sizdən yaxşı jurnalist araşdırmaları gözləyirəm. Mən möhkəməm, mənə görə narahat olmayın”.

Jurnalistin anası qızı ilə görüşmək üçün onun olduğu qəfəsə yaxınlaşmaq istəyib, amma mühafizəçilər ona icazə verməyiblər.

İsmayılovanın vəkili Yalçın İmanov Turan-a bildirib ki, “Azadlıq radiosu”nun fəaliyyəti haqqında cinayət işi üzrə şahid olması bəhanəsi ilə onun İstintaq Təcridxanasında jurnalistlə görüşməsinə imkan vermirlər. Lakin İmanov qeyd edib ki, bu, tamamilə əsassız qadağadır.

* İsmayılova Binəqədi rayon məhkəməsinin Elman Həsənovun şikayətini təmin edən və jurnalisti böhtana (147.2-ci maddə) görə 2500 manat cərimə edən 23 fevral 2015-ci il tarixli qərarından şikayət verib. Sonradan ona qarşı bir neçə digər ciddi ittiham irəli sürülüb və o, həbs edilib. -06D-