Açiq mənbələrdən foto.
Bakı/23.12.21/Turan: Azərbaycan Dövlət Təhlükəsizliyi Xidməti vətəndaşları onların intim videokadrları ilə şantaj edən bir qrup şəxsin ifşa olunduğunu bildirib.
Şantajçılar əcnəbilərdir və onlara qarşı əməliyyat Bolqarıstan təhlükəsizlik orqanları ilə birgə həyata keçirilib, Dövlət Təhlükəsizliyi Xidmətinin məlumatında bildirilir.
Mənbənin məlumatına görə, Bolqarıstanın Silistra əyalətində vətəndaşlar Gürcan Stoyanov, Tezcan Stoyanov, Sevinc Niyazi və digərləri həbs olunublar.
2021-ci il ərzində Dövlət Təhlükəsizliyi Xidmətinə Azərbaycan vətəndaşlarının intim videolarla şantaj edilməsi barədə məlumatlar daxil olub.
Faktla bağlı bir neçə maddə üzrə cinayət işi başlanılıb.
İstintaq materiallarına görə, qrup üzvləri vətəndaşların hesablarına videogörüntülü zənglər edərək porno materiallar nümayiş etdiriblər. Eyni zamanda, porno izləyən vətəndaşların videoçəkilişini aparıblar.
Bundan sonra qrup üzvləri Facebook Messenger və WhatsApp vasitəsilə həmin adamlara zəng edərək bu kadrların yayılması ilə şantaj ediblər və onlara pul köçürmələrini tələb ediblər.
İstintaq qrupun 32 üzvünün şəxsiyyətini, həmçinin onların hərəkətlərindən 200-ə yaxın Azərbaycan vətəndaşının zərər çəkdiyini müəyyən edib.
Cinayətkar qrupun Bolqarıstanda olduğu müəyyən edildikdən sonra bu ölkənin hüquq-mühafizə orqanları ilə birgə əməliyyat keçirilib. Qrup üzvləri həbs edilib, Dövlət Təhlükəsizliyi Xidmətinin məlumatında bildirilir.
Xatırladaq ki, 2021-ci ildə sosial şəbəkələrdə bu tip bir neçə videoçarx yayılıb. Bundan sonra Azərbaycanda bir sıra dövlət məmuru işdən çıxarılıb.-03D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz