“Tərtər işi”nin yeni istintaqı; Kimlərin “başı” gedəcək? –Sahib Kərimli “Çətin sual" qarşısında

Bakı/23.12.21/Turan:  Dekabrın 17 -də Baş Prokurorluq, Daxili İşlər Nazirliyi və Dövlət Təhlükəsizliyi Xidmətinin birgə məlumatında deyilirdi ki, "Tərtər işi" Baş Prokurorluğun icraatına qəbul edilməklə cinayət işlərinin ibtidai istintaqı Azərbaycanın Baş prokuroru tərəfindən xüsusi nəzarətə götürülüb və prokurorluq, daxili işlər və dövlət təhlükəsizliyi orqanlarının təcrübəli və peşəkar əməkdaşlarından ibarət istintaq qrupları yaradılaraq ibtidai araşdırmaya prosessual rəhbərlik Baş prokurorun birinci müavininə tapşırılıb.

Artıq istintaq prosesi cəmiyyətin də böyük maraq dairəsindədir. Sosial şəbəkədə və mediada məsələyə münasibət bildirən ictimaiyyət nümayəndələri və bəzi deputatlar bu məsələ ilə əlaqədar “çox başların gedəcəyini” bildirirlər.

İstintaq prosesi necə gedir? Kimlərin “başı” gedəcək?

Siyasətçi Sahib Kərimli Kamran Mahmudovun təqdimatında yayımlanan “Çətin sual” verilişində bu və digər suallara cavab verir.