![Араик Арутюнян](https://turan.az/resized/media/2020/main/040100025342-750-500-resize.webp)
Араик Арутюнян
DQ ermənilərinin ehtimal olunan yeni lideri Arutyunyan açıq-aşkar Azərbaycan fobiyası ilə səciyyələnir
Bakı/01.04.20/Turan: Qarabağda 31 mart "seçkilərinin" ilkin nəticələri açıqlanmasa da, artıq namizədlərdən heç birinin 50%+1 səs qazana bilməyəcəyi aydın olur, bu da o deməkdir ki, seçkilərin ikinci mərhələsi keçiriləcək. Bu barədə DQ-də müşahidəçilik missiyası həyata keçirən "Məlumatlı vətəndaşlar birliyi" ictimai təşkilatının proqram koordinatoru Daniel İoannisyan öz Facebook səhifəsində yazıb.
"8 dairə seçki komissiyasının hamısında olan müşahidəçilərimizdən aldığımız cədvəllər və hesablamalar prezidentliyə namizədlərdən heç birinin səslərin 50 faizini qazanmadığını göstərir və aprelin 14-də ikinci mərhələ olacaq (epidemioloji nəticələr barədə danışmıram). Qeyd etmək lazımdır ki, səslərin sayılması zamanı bu rəqəmlər dəyişə bilər, bizim hesablamamıza görə, namizədlərdən Araik Arutyunyanın 50% səs alması üşün çox az sayda səs çatışmayıb", deyə İoannisyan qeyd edib.
Seçkilərin ilkin nəticələrinin bu gün axşam saat 20.00-da açıqlanacağı gözlənilir.
Dağlıq Qarabağa 2007-ci ilin sentyabrından 2017-ci ilin sentyabrına qədər "DQR-in baş naziri" vəzifəsini tutmuş Araik Arutyunyanın rəhbərlik edəcəyi çox az şübhə doğurur. 2017-ci il sentyabrın 25-dən o, "DQR-in dövlət naziri"dir.
Arutyunyanın seçkiqabağı platformasında açıq-aşkar anti-Azərbaycan ritorikası diqqət çəkir. Araik Arutyunyan üçün Azərbaycan-Qarabağ münaqişəsinin Ermənistanın əvvəlki hakimiyyəti tərəfindən müzakirə olunan və Ermənistan baş naziri Nikol Paşinyanın mətbuat konfransında açıqladığı nizamlanma variantı qəbuledilməzdir. "Armenpress"in məlumatına görə, Arutyunyan bu barədə Paşinyanın "DQ prezidenti" vəzifəsinə bütün namizədlərə ünvanlanmış çağırışına cavab olaraq öz Facebook səhifəsində bildirib.
"Prezident seçildikdən sonra biz DQ Konstitusiyasında təsbit edilmiş bütün ərazilərin çiçəklənən rayonlara çevrilməsi üçün gücümüzü və enerjimizi əsirgəməyəcəyik. Bu barədə bu gün Vorotanlılarla görüşdə bildirdim və fürsətdən istifadə edərək, bunu bütün ermənilərə və bütün dünyaya bildirirəm", deyə Arutyunyan yazıb.
Azərbaycanın erməni ordusu tərəfindən işğal edilmiş Qubadlı rayonunu ermənilər Vorotan adlandırır. —0—
-
- Dünyada
- 1 Aprel 2020 13:45
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz