Bakı/06.11.18/Turan: Dövlət Sərhəd Xidməti (DSX) İrandan Azərbaycana narkotik vasitələrin keçirilməsinin qarşısını alıb. Bu barədə Xidmətin noyabrın 6-da yaydığı məlumatda deyilir.
Məlumata görə, bu il noyabrın 4-də DSX Sahil Mühafizəsinin texniki müşahidə məntəqələri İran tərəfdən Azərbaycanın Astara rayonunun Şahağacı kəndi istiqamətində sərhəd sularına daxil olan hədəf aşkar ediblər.
Məlumatda deyilir ki, üzmə vasitəsi qısa müddət ərzində ərazidə dayanıb və sonra İran sularına doğru geri üzüb, həmin koordinatlar nəzarətə götürülüb.
Məlumatda vurğulanır ki, 2018-ci il noyabrın 5-də həmin ərazidə balıq ovu məqsədilə qayıqla dənizə çıxmış Şahağacı sakinləri Əlibala Məmmədov, Elzamin Feyruzzadə saxlanılıb. "Qayığın dayandığı koordinatlarda suya keçirilmiş baxış zamanı üç ədəd bağlamada ümumi çəkisi 2 kq 420 qr olan narkotik vasitə aşkarlanaraq götürülüb".
DSX bildirir ki, baş vermiş hadisə ilə bağlı DSX-nin İstintaq-Təhqiqat İdarəsi Cinayət Məcəlləsinin 318.2-ci, 206.3.2-ci, 234.4.1-ci, 234.4.3-cü maddələri ilə cinayət işi açılıb, fakt üzrə əməliyyat-istintaq tədbirləri davam etdirilir. -05D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz