Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi müəyyən edib ki, Göyçay şəhər sakini Elnur Fərzəliyev, Bakı şəhər sakini Lida Mirzəliyeva və Ruzi Abıyev Yasamal rayonu ərazisində qanunsuz olaraq Dövlət Yardım Komitəsi təşkil edib, aztəminatlı ailələrə yardım etmək adı ilə 1983 vətəndaşı aldadaraq, hər birindən 2 manat pul alaraq (cəmi 3966 manat) mənimsəyib.
Məlumatda insanları aldadan şəxslərin saxlanıb-saxlanmaması barədə məlumat verilmir.
Xatırladaq ki, iki gün öncə, “Yeni Müsavat” qəzeti naməlum şəxslərin dul qadınları aldadaraq onlara “Mehriban Əliyeva adına Yardım Mərkəzindən yardım veriləcəyi adı ilə 2 manatdan pul yığdığını yazıb. Bundan sonra çoxsaylı dul qadın vəd edilən zaman Fəvvarələr bağına yığılıb və orada aldadıldıqlarını bilərək etiraz edib. -03D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz