Əfqan Muxtarlı. Arxiv
Bakı/18.08.18/Turan: Həbsdəki jurnalist Əfqan Muxtarlıya siyasi ədəbiyyatların verilməsinə problemlərin yradılmasına görə, hüquqi addımlar atılması planlaşdırılır.
Bu haqda NİDA Hərəkatının təmsilçisi Samir Əsədli bildirib.
S.Əsədlinin sözlərinə görə, hüquqi əsaslar olmasına baxmayaraq, onun və Ə.Muxtarlının görüşmək istədiyi digər yaxınları, dostları görüşə buraxılmır.
"Bu azmış kimi ona istədiyi kitabları çatdırmağa da imkan vermirlər. Hər dəfə aparırıq,baxırlar, geri qaytarırlar", deyən S.Əsədli problemin həll edilməsi üçün hüquqi yollara əl atacaqlarını bildirib.
Onun sözlərinə görə, jurnalistin vəkilləri ilə məsləhətləşdikdən sonra qərar alınıb ki, kitab qadağasının ortadan qaldırılması üçün məhkəməyə müraciət edilsin.
Bu günlərdə yaxınları Ə.Muxtarlıya kitab qadağası qoyulduğunu açıqlamışdılar. Ancaq Penitensiar Xidmətin İctimaiyyətlə əlaqələr şöbəsinin rəisi Mehman Sadıqov bunu təsdiq etməmişdi.
"Azərbaycan qanunvericiliyi ilə milli, dini, irqi ədavəti qızışdıran, porno tərkibli ədəbiyyatların məhkumlara verilməsi qadağan edilir", deyən Mehman Sadıqov bildirmişdi ki, qeyd etdiyi kitablardan kənar ədəbiyyatların məhbuslara verilməsinə hər hansı qadağa yoxdur:
Gürcüstandan oturum izni almış Əfqan Muxtarlı 2017-ci il mayın 29-da Tbilisidən müəmmalı şəkildə Azərbaycana gətirilib.
Jurnalistin özü Tbilisidə oğurlandığını, başına torba keçirildiyini, işgəncəyə məruz qaldığını, Azərbaycana zorla gətirildiyini və sərhəddən keçirilərkən cibinə 10 min avro qoyulduğunu bildirib.
Rəsmi ittihamda isə bunun əksi iddia olunur. O güc tətbiq etməklə hakimiyyət nümayəndəsinə müqavimət göstərməkdə, sərhədi qanunsuz keçməkdə və qaçaqmalçılıqda ittiham olunaraq 6 il azadlıqdan məhrum edilib.
Əfqan Muxtarlı həbsinin jurnalist fəaliyyəti ilə bağlı olduğunu bəyan edib. Hakimiyyətsə ölkədə heç kimin jurnalist fəaliyyətinə görə həbs edilmədiyini bildirib.--0--
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz