Vladimir Putinin Azərbaycana səfəri ərəfəsində bir qrup beynəlmiləl döyüşçü RF prezidentinə müraciət qəbul edib.
Müraciətdə deyilir ki, 10 minə yaxın Azərbaycan vətəndaşı Əfqanıstanda döyüş əməliyyatlarının iştirakçısı olub, onların əksəriyyəti döyüş orden və medalları ilə təltif edilib. Döyüş əməliyyatları zamanı 208 Azərbaycan vətəndaşı həlak olub, 417 nəfər isə əlil olub.
Beynəlmiləl döyüşçülər Azərbaycan hakimiyyətinin onlara qarşı münasibətinin pisləşməsindən şikayət edir.
Azərbaycanın 13 fevral 1997-ci ildə qoşulduğu 15 aprel 1994-cü il tarixli “Böyük Vətən Müharibəsi iştirakçıları və əlilləri, başqa dövlətlərin ərazilərində döyüş əməliyyatlarının iştirakçıları, həlak olmuş hərbiçilərin ailələri üçün imtiyaz və zəmanətlərin qarşılıqlı tanınması haqqında Saziş”ə baxmayaraq, keçmiş Əfqanıstan döyüşçülərinə müəyyən edilmiş imtiyazları verməkdən imtina edirlər.
Sovet vaxtında verilmiş veteran vəsiqələri tanınmır, onların müəyyən edilmiş nümunəli milli vəsiqələrlə dəyişdirilməsindən imtina edilir.
“Faktiki olaraq, bizi veteran olaraq tanımırlar, müxtəlif dövlət orqanlarına və ölkə prezidentinə dəfələrlə etdiyimiz müraciətlər isə cavabsız qalıb”, deyə müraciətdə bildirilir.
Müraciət müəllifləri xatırladır ki, bu il aprelin 5-də 500 veteran Azərbaycan Prezident Administrasiyasının qarşısında aksiya keçirib. Buna cavab olaraq onlara 20 gün ərzində qərar qəbul ediləcəyini vəd ediblər, lakin indiyədək problemlər həll edilməyib.
“Bizi Rusiyayönlü əhval-ruhiyyədə ittiham edirlər, bizi hədələyirlər ki, SSRİ dövründə qulluq etmişiksə, qoy Rusiya da bizə kömək etsin”, deyə müraciət müəllifləri yazır.
Onlar Vladimir Putindən SSRİ SQ sıralarında xidmət zamanı itirilmiş sağlamlıqlarına görə onlara düşən imtiyazlara nail olmaqda köməklik göstərməyi xahiş edirlər. “Bizim kütləvi şəkildə ailələrimizlə birlikdə Azərbaycan vətəndaşlığından imtina edib, sığınacaq verilməsi xahişi ilə Sizə müraciət etməyimiz istisna deyil”, deyə 45 Əfqanıstan veteranının imzaladığı müraciətdə bildirilir. -04D-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz