Ehsanın qadağan edilməsi hakimiyyəti çətin vəziyyətə salıb

Yas mərasimlərinin keçirilməsi ilə bağlı qadağaların və məhdudiyyətlərin tətbiq edilməsi ilə əlaqədar ölkə rəhbərliyində ziddiyyətli vəziyyət yaranıb. Belə ki, hakimiyyətin qeyri-rəsmi məhdudiyyətlər tətbiq etməsi icra hakimiyyətinin polisin iştirakı ilə ehsan verilməsinə imkan vermədiyi və ya bunu kəskin şəkildə məhdudlaşdırmağı tələb etdiyi vətəndaşların narazılığına və onlar arasında gərginliyin artmasına səbəb olub.

Eyni zamanda, bu məhdudiyyətlər imkanlı şəxslərə və hakimiyyət nümayəndələrinin özlərinə şamil edilmir.

Məlumatlı mənbədən Turan-a daxil olan məlumata görə, bu mövzu çıxış yolu tapılması üçün ən yüksək səviyyədə müzakirə olunur. Bir tərəfdən yas mərasimlərində istraf geniş yayılıb, digər tərəfdən bunun üçün qanunvericilikdə nəzərdə tutulmuş məhdudiyyətlər yoxdur və inzibati məhdudiyyətlər heç cürə əsaslandırılmayıb.

Hakimiyyət həmişəki kimi, öz ideyasının müvafiq ideoloji hazırlığını nəzərə almadan, məhdudiyyətlərin tətbiqi təşəbbüsünü irəli sürüb.

Bu, Prezident Administrasiyasından gələn kortəbii göstərişin yerli hakimiyyətlərin icra etməyə çalışdığı, lakin sonradan geri çəkildiyi ilk hal deyil.

Bir neçə il əvvəl hakimiyyət azanın səsgücləndiricilər vasitəsilə verilməsini qadağan etdikdə də belə olmuşdu. Lakin dindarların artmaqda olan narazılığı və bu təşəbbüsü pisləyən din xadimlərinin açıq-aşkar sabotajı qarşısındakı qorxu hakimiyyəti geri çəkilməyə məcbur edib. -02В-