Ekologiya və Təbii Sərvətlər Nazirliyi ötən il Xəzərin gəmilərlə çirkləndirilməsini inkar edir
Ekologiya və Təbii Sərvətlər Nazirliyi ötən il Xəzərin gəmilərlə çirkləndirilməsini inkar edir
Çirkab sularının gəmilərdən Xəzərə axıdılması planetin ən böyük duzlu gölünün canlı aləminin məhv olmasının səbəblərindən biridir, - bu barədə Ekologiya və Təbii Sərvətlər Nazirliyinin rəsmi saytı bildirib.
Dənizin gəmilər vasitəsilə çirkləndirilməsi problemi o qədər aktualdır ki, 2023-cü ilin fevralında Qazaxıstan və Azərbaycan nazirliklərinin nümayəndələri Xəzər dənizinin gəmilərlə çirklənməsinin azaldılması ilə bağlı birgə memorandum üzərində işə başlamağa qərar veriblər.
Azərbaycanın Ekologiya və Təbii Sərvətlər Nazirliyi Xəzərin gəmilər vasitəsilə çirklənmədən qorunması üçün hansı tədbirləri görür? Turan-ın bu sualının cavabında Dövlət Ekoloji Təhlükəsizlik Xidmətinin rəsmisi Bəhruz Məhəmmədov deyib ki, Ekologiya və Təbii Sərvətlər Nazirliyinin Xəzər Kompleks Ekoloji Monitorinq İdarəsi tərəfindən hər il gəmiçilik fəaliyyətilə məşğul olan şirkətlərin gəmilərində və digər gəmilərdə formalaşan tullantı sularının və bərk məişət tullantılarının idarə olunması ilə bağlı monitorinqlər keçirilir.
Monitorinq göstərib ki, 2023-cü ildə Azərbaycan gəmilərindən Xəzərə tullantıların atılması faktları olmayıb, Məhəmmədov deyib.
Belə tullantıların utilizasiyası prosedurunu izah edən Ekologiya Nazirliyinin nümayəndəsi bildirib ki, gəmilər sahilə yaxınlaşdığı zaman formalaşan tullantı suları bağlanmış müqavilələr əsasında “Azərbaycan Təmiz Texnologiyalar” MMC-yə və “Azlogistic” şirkətinə təhvil verilir. Qeyd olunan şirkətlər isə həmin tullantı sularını “Azərsu” ASC-yə təhvil verirlər.
Uzun müddət gəmilər dənizdə olduqda isə gəmilərdə formalaşan çirkab və döşəməaltı suların toplandığı çənlər dolduğu zaman “Azərbaycan Xəzər Dəniz Gəmiçiliyi” Qapalı Səhmdar Cəmiyyətinin “SLV” tipli gəmiləri vasitəsilə sahilə daşınaraq yuxarıda qeyd olunan şirkətlərə təhvil verilir".
Tullantı və döşəməaltı suların təmizlənmədən birbaşa Xəzər dənizinə axıdılması faktına görə İnzibati Xətalar Məcəlləsinin 233.1 və 264.0.1-ci maddələrilə cərimə tətbiq edilir.
Xəzərin gəmilərdən axıdalan çirkab suları ilə çirkləndirilməsi mövzusu Turan-da işıqlandırılıb: Göy qurşağılı Xəzər: ölümcül gözəlliyin səbəbləri
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz