Bakı/15.10.19/Turan: Azərbaycanda vətəndaşlara palliativ xidmətlər göstərən hospislər yoxdur. Palliativ xidmət xəstəliyi ağırlaşan və ya sağalmaz pasiyentlərin həyat keyfiyyətinin yaxşılaşdırılmasına yönəlib. Ümumdünya Səhiyyə Təşkilatının (ÜST) tövsiyəsinə görə, əhalinin hər 400 min nəfərinə bir hospis düşməlidir.
Hər il dünyada 40 mln. insan, o cümlədən 2,1 mln. uşaq palliativ xidmətə ehtiyac duyur.
ÜST qeyd edir ki, ehtiyacı olaların yalnız 14%-i palliativ xidməti ala bilir.
Tibb elmləri doktoru Adil Qeybulla hesab edir ki, hazırda Azərbaycanda hospislərin yaradılması real deyil, çünki bunun üçün dövlət dəstəyi, təminatı və maliyyə lazımdır. Hospislər müalicəsi olmayan xəstələrin həyat keyfiyyətinin yaxşılaşdırılması üçün nəzərdə tutulub və əsasən dövlət tərəfindən maliyyələşdirilir. Çünki xəstələrin və onların yaxınların əksəriyyətində öz hesabına müalicə almaq, qulluq etmək imkanları yoxdur.
Səhiyyə Nazirliyinin İctimai Səhiyyə və İslahatlar Mərkəzinin səhiyyə siyasəti və islahatlar şöbəsinin müdiri Nabil Seyidovun sözlərinə görə, bir neçə il öncə bu qurum Milli Məclislə birlikdə palliativ qayğı haqqında qanun layihəsi hazırlayıb. 2015-ci ildə Səhiyyə Nazirliyinin Onkoloji Dispanserində pilot layihə işə salınıb. Hospislərin yaradılması Səhiyyə Nazirliyinin 2015-2017-ci illər üçün strateji planına daxil edilib. Amma hələlik bu istiqamətdə irəliləyiş yoxdur.
Lakin Milli Məclisin Əmək və sosial siyasət Komitəsinin üzvü Musa Quliyev Turan-a bildirib ki, "Ailə sağlamlığının qorunması haqqında" və "Onkoloji yardım haqqında" qanunlar evdə qulluq edilmək və ağrını azaltmaq üçün şəraiti olmayan şəxslərə stasionar müəssisələrdə dövlət hesabına hospis səviyyəsində yardım almaq hüququ verir. "Stasionarlarda da bu xidmətlər həyata keçirilir, xüsusi olaraq Onkoloji Mərkəzdə", - M.Quliyev bildirib. Onun sözlərinə görə, hazırlanan iki aktda - "Pasiyentin hüququ haqqında" qanunda və "Əhalinin sağlamlığının qorunması haqqında" qanuna əlavə və dəyişikliklərdə özəl hospislərin yaradılması haqqında müddəalar var. -06D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz