“Meydan TV” ilə əməkdaşlıq edən jurnalist Şirin Abbasovun İnzibati Xətalar Məcəlləsinin 296-cı (xırda xuliqanlıq) və 310.1-ci (polisin qanuni əmrinə tabe olmama) maddələri ilə məhkum edilməsi barədə Yasamal rayon məhkəməsinin 2015-ci il 17 sentyabr tarixli qərarı həqiqətəuyğun deyil. Vəkil Elçin Sadıqovun DİN-in Baş Mütəşəkkil Cinayətkarlıqla Mübarizə İdarəsinə 2015-ci il sentyabrın 16-da ünvanladığı məktuba BMCMİ rəisi Seyfulla Əzimov 2015-ci il noyabrın 17-də cavab verib.
S.Əzimov məktubunda bildirir ki, MCQBMİ bu il sentyabrın 16-da keçirdiyi əməliyyat zamanı Şirin Abbasov özünü aqressiv apararaq polis əməkdaşlarının işinə müdaxilə etməklə əməliyyat tədbirini pozub. Odur ki, qanunvericiliyə əsasən Ş.Abbasov barəsində inzibati protokol tərtib edilib və məhkəmə tərəfindən 30 gün həbs inzibati tənbeh növü seçilib. Məktubda daha sonra deyilir ki, Ş.Abbasov həm araşdırma dövründə, həm məhkəmə iclaslarında törətdiyi hüquqazidd əməlləri səmimi etiraf edərək, peşman olduğunu söyləyib. “Bundan əlavə, Ş. Abbasov saxlanıldığı andan dövlət hesabına vəkillə təmin olunub, vəkillə dəfələrlə görüşüb, digər vəkillərin xidmətlərindən isə imtina edib”, deyə S.Əzimov qeyd edib.
E.Sadqıov bu haqda “facebook” səhifəsində bildirir ki, Yasamal rayon məhkəməsinin qərarında göstərilənlərin həqiqətəuyğun olmadığını deyəndə inanmırdılar. “Vəkildən imtina ilə bağlı isə Ş.Abbasov bildirir ki, heç vaxt
vəkildən imtina etməyib, həmişə vəkili ilə görüş tələb edib, dövlət hesabına təyin edilmiş vəkili ümumiyyətlə görməyib və BMCMİ-yə Ş.Abbasovla onunla görüşə gəlməyib”, deyə E.Sadıqov bildirib. -05D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz