R.Mirqədirovun işi üzrə məhkəmə noyabrın 25-də davam edəcək (YENİLƏNİB)
Çərşənbə günü günün ikinci yarısında jurnalist Rauf Mirqədirovun işi üzrə prosesdə şahid ifadələri dinlənilib.
Proses noyabrın 25-də davam edəcək. Proses qapalı rejimdə keçirildiyinə, vəkillərdən isə sirri yaymamaq barədə iltizam alındığına görə digər təfərrüatlar məlum deyil. -0-
2015 Noyabr 18 (Çərşənbə) 14:28:49
Çərşənbə günü Bakı Ağır Cinayətlər Məhkəməsində Əlisultan Osmanovun sədrliyi ilə jurnalist Rauf Mirqədirovun işi üzrə məhkəmə başlayıb. O, Ermənistanın xeyrinə casusluqda ittiham olunur.
Vəkil Fuad Ağayev Turan-a bildirib ki, məhkəmə onun bir neçə vəsatətini təmin etməyib. Vəkil prosesin dövlət sirri ilə əlaqədar keçirilməsinə isnad edərək ətraflı açıqlamadan imtina edib. Eyni zamanda R.Mirqədirova qarşı ittihamların əsassız olduğunu bildirib.
R.Mirqədirov özü də irəli sürülən ittihamları rədd edib.
Proses günün ikinci yarısında davam edəcək. Şahid ifadələri dinləniləcək.
Xatırladaq ki, jurnalist Türkiyədən deportasiya olunduqdan dərhal sonra aprelin 19-da Bakıda həbs edilib. Ona qarşı CM-in 274-cü maddəsi (Vətənə xəyanət) ilə ittiham irəli sürülüb. -16D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz