Məhkəmə Zeynab Bağırzadəni həbs edib (YENİLƏNİB)

Bu gün Naxçıvanın Babək rayon məhkəməsi AXCP fəalı Zeynal Bağırzadəni həbs edib, bu barədə Turan-a onun qardaşı Yaşar Bağırsoy bildirib. Məhkəmə getdiyi barədə fəalın ailəsinə məlumat verilməyib.

“Onu gizlicə Babək rayon məhkəməsinə aparıblar və həbs ediblər”, deyə Bağırsoy bildirib. Onun neçə müddətə həbs edildiyi aydın deyil.

Ailə məhkəmə qərarından şikayət vermək niyyətindədir. -0-

2015 Noyabr 18 (Çərşənbə) 15:06:48

Naxçıvanda AXCP fəalı Zeynal Bağırzadə polisə müqavimət ittihamı (CM-in 315-ci maddəsi) ilə saxlanılıb. Bu barədə Turan-a onun qardaşı, AXCP regional təşkilatının rəhbəri Yaşar Bağırsoy bildirib.

Ötən şənbə Bağırzadənin Nehrəm kəndindəki evinə Dövlət Sosial Müdafiə Fondunun nümayəndələri gəlib, onlar fonda ödəniş etməyi tələb edib. Bağırzadə özü evdə olmayıb və məmurlardan Faiq İsmayılov adlı biri ev sahibi haqqında təhqiredici ifadə işlədib.

Həyat yoldaşının etirazına cavabda məmur qadını da təhqir edib.

Səs-küyə qonşular gəlib, məmur deyib: “Cəlil Məmmədquluzadə onları doğru olaraq danabaş adlandırıb”.

Daha sonra Zeynal Bağırov Sosial Müdafiə Fonduna gəlib, evinə yoxlamaya gəlmələrinin və həyat yoldaşını təhqir etmələrinin səbəbini soruşub. Cavabda İsmayılov Bağırzadəni vurub və iki digər məmurla birlikdə onu döyməyə başlayıb.

Onu, demək olar ki, huşsuz vəziyyətdə küçəyə atıblar və Bağırzadəyə yoldan keçənlər kömək edib.

Özünə gəldikdə Bağırzadə Babək rayon prokurorluğuna şikayət edib. Bazar ertəsi onu prokurorluğa çağırıblar, onu döyən fond əməkdaşları da burada idi.

Bundan sonra Bağırzadə saxlanılıb və bu gün məhkəməyə çıxarılacağı gözlənilir.

Saxlanılan şəxsin qardaşı qeyd edib ki, Zeynal heç bir sahibkarlıq fəaliyyəti ilə məşğul olmur. Xüsusən, onun malik olduğu torpaq sahəsi becərilmir, çünki kəndə su verilmir.

Bir neçə il əvvəl Bağırzadə kəndə gələn suyun kəsilməsinə etiraz etdiyinə görə həbs edilib və mühakimə olunub. Sonradan həbs cəzası şərti cəza ilə əvəz edilib. -06B-