Eldəniz Quliyevi ölkədən buraxmayıblar
Kinorejissor Eldəniz Quliyev dekabrın 3-də “Astara” polis məntəqəsində yerli sərhədçilər tərəfindən saxlanılaraq polisə təhvil verilib. Bu barədə E.Quliyev özü məlumat verib. O, həm müalicə, həm də beynəlxalq kinofestivalda iştirak etmək üçün İrana gedirmiş. Ona bildirilib ki, Nəsimi Rayon Polis İdarəsi ölkədən çıxışına qadağa qoyub. Qadağanın səbəbləri aydınlaşdırımayıb. 8 saatlıq saxlanmadan sonra E.Quliyevi buraxıblar.
E.Quliyev ölkədən çıxışına qadağa qoyulmasını qanunsuz hesab edir. O qeyd edib ki, DİN rəhəri Ramil Usubovun iddiası ilə məhkəmənin ona təyin etdiyi cəzanı tam yerinə yetirib və Ədliyyə Nazirliyi xaricə getməyə qadağanı götürüb.
E.Quliyev hesab edir ki, ona siyasi fəaliyyətinə - Demokratik Qüvvələrin Milli Şurasında iştirakına və hakimiyyəti tənqid etdiyinə görə təzyiq göstərilir.
O, Nəsimi polisindən açıqlama tələb etmək niyyətindədir.
Xatırladaq ki, 2014-cü ili avqustun 20-də E.Quliyev özünün Facebook səhifəsində yol polisinin hərəkətlərini tənqid edib. DİN rəhbəri buna polisə qarşı təhqir və böhtan kimi baxaraq şərəf və ləyaqətin qorunması barədə iddia qaldırıb, E.Quliyevin məsuliyyətə cəlb olunmasını tələb edib.
Oktyabrın 30-da məhkəmə E.Quliyevi 1000 manat cərimə edib və 480 saat ictimai işə cəlb edib. Aprelin 2-də Bakı Apellyasiya Məhkəməsi bu qərarı qüvvədə saxlayıb.
Qanun pensiya yaşında olan vətəndaşların icbari işlərə cəlb olunmasını qadağan etsə də E.Quliyevi bu cəzanın icrasına məcbur ediblər.
E.Quliyev Demokratik Qüvvələrin Milli Şurasının üzvü, Ziyalılar Birliyinin rəhbəridir.–06D—
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz