Yerevandan qayıtdıqdan sonra Əlikram Hümbətov üçüncü dəfə infarkt keçirib. Hazırda ağır vəziyyətdə ev şəraitində yataqdadır. Bu barədə Turan-a Hollandiyadakı mənbələrdən məlum olub.
Mənbənin dediklərinə görə, Ə.Hümbətov Yerevandan qayıtdıqdan sonra özünü narahat hiss edib və sonra infarkt keçirib.
Bəzi müşahidəçilər istisna etmirlər ki, Ə.Hümbətovu Yerevanda zəhərləyə bilərdilər. Onlar zəhərlənmə ehtimalını Ə.
Hümbətovun vaxtilə Yerevanın əleyhinə kəskin çıxışları və Qarabağ cəbhəsində ermənilərə qarşı döyüşlərdə iştirakının bağışlanmaması ilə izah edirlər.
Bununla yanaşı Ə.Hümbətovun oğlu ilə Yerevana və Dağlıq Qarabağa gedib Azərbaycanın əleyhinə çıxışlar etməsi Azərbaycan ictimaiyyəti və Hümbətovun qohumları tərəfindən də kəskin nifrətlə qarşılanıb.
Xatırladaq ki, Əlikram Hümbətov bu ilin sentyabrında Yerevanda və Dağlıq Qarabağda olub. O, həm konfranslarda, həm rəsmi görüşlərdə, həm də tələbələr qarşısında çıxışlarında Azərbaycana qarşı böhtan dolu çıxışlar edib. -03B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz