Parlament hüquqi şəxslərin yeni qaydalarla ləğv edilməsi üzrə qanun layihəsini təsdiq edib

Milli Məclis 22 noyabrda hüquqi şəxslərin yeni qaydalarla ləğv edilməsi üzrə qanun layihəsini təsdiq edib. 2001-ci ildən qüvvədə olan qanun nöqsanlı idi və məhkəmə çəkişmələri yaradırdı. 

Mülki Məcəllənin hüquqi şəxslərin ləğv edilməsi normaları yenilənib və daha şəffaf və ədalətli mexanizmlər yaradılıb. Dəyişikliklərə əsasən, ləğvetmə barədə qərar qəbul ediləndən 20 gün əvvəl hüquqi şəxsin icra orqanı 12 aylıq müddətə təmin edilmək üçün ödəniş qabiliyyəti barədə rəsmi qərar verir. Əvvəllər hüquqi şəxsin istənilən iştirakçısının bu məsələnin ümumi yığıncaqda müzakirəsi üçün ərizə verməsi kifayət edirdi. Əgər icra orqanı ödəniş qabiliyyəti barədə rəsmi qərar verə bilməyəcəyini bildirsə, cəlb edilən müstəqil auditor öz rəyi ilə hüquqi şəxsin ödəniş qabiliyyətini təsdiq edə bilər. Bu rəy yetərli sayılır. Vergilər Nazirliyində Turan-a bildiriblər ki, əks təqdirdə, yəni auditor bu rəyi verməsə, könüllü ləğvetmə baş tutmur. 

İnzibati Xətalar Məcəlləsinə 22 noyabrda təsdiqlənən düzəlişlərə əsasən, qəsdən yalan rəy verilməsi zamanı vəzifəli şəxs 1000 manat cərimə olunur. 

Ləğvetmə 12 ay sürə  bilməz. Əks təqdirdə proses yenidən həyata keçməlidir. Qanun layihəsində prosesdə hər mərhələnin icra müddəti konkret göstərilib. 

MM-in 60 və 61-ci maddələri tam yeni redaksiyada verilib. Ləğvetmə komissiyası kreditor borcların ödənilməsi, satış və əmlakın mülkiyyətçilər arasında bölüşdürülməsi üçün hüquqi şəxsin fəaliyyətini davam etdirir. 

Hüquqi şəxslərin ləğv edilməsi barədə qərar, bu barədə kreditorların məlumatlandırılması üçün komissiya yaradılandan sonra 60 gün ərzində dövlət qeydiyyat xidmətinin çap orqanında dərc edilir. 

Hüquqi şəxsin möhürü qeydiyyat orqanına qaytarılır. Bundan sonra komissiya hüquqi şəxsin möhüründən istifadə edir. Kreditorlar tərəfindən tələb verilməsi müddəti bitəndən sonra aralıq lıəğvetmə balansı tərtib edilir və hüquqi şəxsin bütün iştirakçılarına göndərilir. Sənəddə minimum əmlak və debitor borclar, kreditorların tələbi barədə informasiya verilir. Bu balansla razı olmayan ən azı 10% pay sahibi etiraz edə bilər. Bu halda aralıq balans ümumi yığıncaqda təsdiqlənməlidir. 

Əgər ləğvetmə komissiyası əmlakın kreditorların bütün tələblərini təmin etməyəcəyini müəyyən etsə, müflislik prosesi başlanmalıdır. 

Kreditorlarla hesablaşma bitəndən sonra 5 gün ərzində ləğvetmə balansı və qalan əmlakın mülkiyyətçilər arasında bölünməsi planı tərtib edilir. Bu sənəd hüquqi şəxsin iştirakçıları tərəfindən 45 gündən gec olmayaraq təsdiq edilməlidir. Əmlak iştirakçılara 10 günə verilməlidir. Ləğvetmə komissiyasına ləğvetmə balansı və qalan əmlakın mülkiyyətçilər arasında bölünməsi planının təqdim edilməsi üçün də 10 gün ayrılıb. Səhmdar cəmiyyətlər səhmlərin dövriyyədən çıxarılması barədə Qiymətli Kağızlar üzrə Dövlət Komitəsindən arayış verməlidir. 

Hüquqi şəxslərin dövlət reyestrində müvafiq qeyd ediləndən sonra hüquqi şəxs mövcud sayılmır.  

İndiyə qədər kreditorlar ləğvetmə elan ediləndən sonra 2 ay müddətində maddi tələb irəli sürə bilərdi. Ləğvetmə isə sonsuzluğa qədər davam edə bilərdi. Məsələn, ümumi yığıncağı “Bakı Ayaqqabı-2” ASC-nin ləğvi barədə qərarı 2005-ci ildə qəbul edilib. Amma proses başa çatmayıb. 

Bu dəyişikliklər qüvvəyə minəndən sonra maraqlı tərəflərin hüquqları daha qanuni əsasda təmin ediləcək. 08B