Əmək və Əhalinin Sosial Müdafiəsi Nazirliyi sosial yardımı “təmassız” metodla təyin edə bilər. Bunun üçün nazirlik Dünya Bankından yardım istəyə bilər.
DB-nin insan inkişafı departamentinin təmsilçiləri ilə görüşdə əmək və əhalinin sosial müdafiəsi naziri Səlim Müslümov ünvanlı sosial yardım proqramları üzrə şəffaflığın təmin olunmasının əsas elementi sayılan “kontaktsız” xidmət prinsipinin və əlilliyin müəyyən olunmasının müasir metodlarının tətbiqi üçün Dünya Bankının texniki yardımına ehtiyac olduğunu qeyd edib.
Dövlətstatkoma görə, 1 oktyabr üçün 592,4 min üzvü olan 134,7 min ailə sosial yardım alır. Orta hesaba adambaşına 28 manat kömək edilir. Qanuna görə ehtiyac meyarı ailə üzvünə görə ayda 93 manatdır (2012-ci ildə 84 manat).
Bu il hökumət dövlət büdcəsindən aztəminatlı ailələrə 195,2 mln manat ünvanlı sosial yardım ayırıb. Bu, 2012-ci ildəkindən 2,3% azdır. 2014-cü ildə bu məqsədlə 206,2 mln manat (+5,6%) ayrılacaq.
Əmək və Əhalinin Sosial Müdafiəsi Nazirliyi əvvəllər məlumat verib ki, aztəminatlı ailələrin məşğulluğunu təmin etmək üzrə proqram hazırlayıb. Plana əsasən, yardım kiçik biznes və ya kənd təsərrüfatı istehsalı üçün birdəfəlik verilir.
Azərbaycanda ünvanlı sosial yardım ayrılması ən geniş yayılmış korrupsiya formasıdır. 08B
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz