Azərbaycan rəhbərliyi açıq hökumət prinsiplərinə ciddi yanaşmalıdır

Azərbaycan rəhbərliyi açıq hökumət prinsiplərinə nominal olaraq sadiqdir. Bu barədə «Korrupsiyaya Qarşı Mübarizə üzrə QHT-lərin Məlumat və Əməkdaşlıq Şəbəkəsi” 2012-ci ilin sentyabrından 2013-cü ilin oktyabrına kimi dövlət strukturlarının monitorinqinə əsasən məlumat verir. 

Sənəddə deyilir ki, mədən sənayesi və başqa sahələrdə ictimaiyyətin informasiyaya çıxışı məhdudlaşdırılıb. Normativ-hüquqi aktların vahid informasiya bazası (http://e-qanun.az) modernləşdirilməyib. 

QHT-lərin Кdövlət orqanlarının hesabatlarına çıxışı təmin edilməyib. Əhaliyə elektron xidmətlər cəmiyyətin bütün sahələrini əhatə etmir. Maliyyə nəzarəti orqanlarının fəaliyyəti şəffaf deyil. Mineral ehtiyatların hasilatı strukturlarının heç biri şəffaf deyil. Əhali arasında elektron xidmətlər barədə təşviqat zəifdir. 

Vətəndaş cəmiyyətinin ölkə həyatında rolu ildən-ilə daralır. Dövlət məmurları gəlirləri barədə bəyannamə təqdim etmir. 

2012-15-ci illərdə açıq hökumətin təşviqi üzrə Milli Fəaliyyət Planının təkmilləşdirilməsi məqsədi ilə BMT qarşısında öhdəliklər çərçivəsində bir neçə tövsiyə qəbul edilib. Sənəd çərçivəsində konkret sahələr üzrə, o cümlədən cəmiyyətin məlumatlandırılması üzrə məsul dövlət və hökumət strukturları ayrılmalı, vətəndaş cəmiyyəti strukturlarının iştirakı ilə Milli planın icrasının monitorinqi təmin edilməlidir. 

Həmçinin ixtisaslaşdırılmış vətəndaş cəmiyyətinin əsas təmsilçilərinin təmsil olunduğu ikitərəfli dialoq platformasının yaradılması; həm beynəlxalq, həm də regional miqyasda (xüsusən, bu sahədə böyük irəliləyişlərə nail olmuş keçmiş sovet ölkələri, yəni Gürcüstan və Moldova ilə) real əməkdaşlığın əldə olunması tövsiyə edilir. 

Azərbaycan açıq hökumət tərəfdarı olan 61 ölkədən biridir. Ölkədə “2012-15-ci illərdə açıq hökumətin təşviqi üzrə Milli Fəaliyyət Planı” qəbul edilib. Sənədin əsas qüsuru konkret icraçının olmaması, mərkəzi və yerli icra hakimiyyətlərini səlahiyyətlərinin qarışması, müddəaların illik icrası üzrə bölgünü olmamasıdır. 

Sənəd qəbul ediləndən sonra “Milli Büdcə Qrupu” və «Korrupsiyaya Qarşı Mübarizə üzrə QHT-lərin Məlumat və Əməkdaşlıq Şəbəkəsi” yaradılıb. Hələlik dövlət strukturları beynəlxalq tələblərin 10%-i həyata keçirib. --17D—