![Əlil Qadınlar Cəmiyyəti keçirdiyi sosioloji sorğunun nəticəsi](https://turan.az/resized/./turan-750-500-resize.webp)
Əlil Qadınlar Cəmiyyəti keçirdiyi sosioloji sorğunun nəticəsi
“Əlil Qadınlar Cəmiyyəti” əlil qadınlara qarşı zorakılıq və ayrı-seçkiliyin aradan qaldırılmasına dair bazar ertəsi BMM-də dəyirmi masa keçirib.
Cəmiyyətin sədri Məhluqə Rəhimova cəmiyyətin fəaliyyətinin nədən ibarət olduğunu açıqlamadan, QHT-lərə Dövlət Dəstəyi Şurasının maliyyə dəstəyilə çıxardığı kitabların əlil insanların hüquqlarını qorumağa yardımçı olacağı bəyanatı verib. Dərc edilən kitab isə əlil insanların müxtəlif səpgili hüquqlarını müdafiə edən beynəlxalq Konvensiyaların müəyyən maddələrinin və ölkə qanunvericiliyindəki qanunların bir yerə toplanmasından ibarətdir. Əlillərə və xüsusən, əlil qadınlara zorakılıqlara aidiyyatı bəlli olmayan qanunvericilikdə döyülməyə görə 100 manatdan 300 manatadək cərimə nəzərdə tutulması çox yumşaq sayılıb. Qanunun sərtləşdirilməsi tələb edilib. Əlillərin hüquqlarının müdafiəsi üçün qanunvericilik bazasının daim təkmilləşdirilməsi zəruri sayılıb. Əlillərin işlə təmin olunması üçün ixtisaslaşmış istehsal sahələri yaradılması təklif olunub. Əlillərin əmək hüquqlarının qorunmasının, bərabər əmək hüquqlarının yaradılması vurğulanıb. Cəmiyyətdə əsasən gənclərin əlil şəxslərə baxışlarının müsbətə dəyişdirilməsinə ehtiyac olduğuna diqqət çəkilib. “Sosial xidmətlər haqqında” qanuna isnad edilərək, bu qanunun əlillərin də hüquqlarını qorumağı ehtiva etdiyi deyilib.
Bundan əlavə, hazırda “Korporativ sosial məsuliyyət” adlı sənədin hazırlanmaqda olduğu nəzərə çatdırılıb. Bu sənəd sahibkarların və ya II sektor sayılan biznesin III sektor sayılan QHT-lərə yardımını nəzərdə tutur. Bunun üçün belə xeyriyyə tədbirlərini reallaşdıran biznes adamlarının gəlir vergilərindən azad olunmaları təklifi səsləndirilib. Cəmiyyətə müyəssərlik dərəcəsi əlillər arasında yüksək deyil. Belə ki, əlillərin hərəkəti üçün rahatlıq dərəcəsi sıfıra bərabərdir. Heydər Əliyev Sarayı istisna olmaqla, ölkənin qalan heç bir qapalı məkanında, avtobus, metro, taksi xidməti sahəsində əlillərin hərəkəti üçün rahatlıq yaradılmadığı xüsusi vurğulanıb.
Əlil qadınlarla bağlı sosioloji sorğu keçirdiklərini deyən M.Rəhimova tədbirin sonuna qədər bu sorğunun nələri əhatə etməsi haqda açıqlama verməyib. Bu sorğunun nəticələrini mətbuata açıqlamayıb. -05C-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz