![Gənclər Z.Qurbanlının həbsini iqtidarın gəncləri qorxutmaq cəhdi sayır](https://turan.az/resized/750/500/resize/media/2012/main/100100013144.jpg)
Gənclər Z.Qurbanlının həbsini iqtidarın gəncləri qorxutmaq cəhdi sayır
Ölkənin müstəqil gənclər təşkilatlarının təmsilçiləri “Nida!” gənclər hərəkatı İdarə Heyətinin üzvü Zaur Qurbanlının həbsinə etiraz olaraq bazar ertəsi RATİ-də mətbuat konfransı keçirib.
“Nida!” gənclər hərəkatı İdarə Heyətinin üzvü Anar Gəraylı vəkil Əsabəli Mustafayevə isnadən sentyabrın 29-da həbs edilərək Mütəşəkkil Cinayətkarlığa qarşı Mübarizə İdarəsində saxlanılan Z.Qurbanlı barəsində məlumat verib. Vəkil Z.Qurbanlının saxlandığı zaman və MCQMİ-də fiziki zorakılığa məruz qalmadığını deyib. Ə.Mustafayev müdafiə etdiyi şəxsin saxlanma şəraitindən şikayəti olmadığını söyləyib. Vəkil mətbuat konfransına gələ bilməməsini Abşeron rayon məhkəməsinin Z.Qurbanlı barədə 15 günlük həbs qərarını almağa getməsilə izah edib. Ə.Mustafayev məhkəmə qərarını götürdükdən sonra apellyasiya şikayəti verəcəyini söyləyib.
Sentyabrın 29-da baş verən həbsin motivinə toxunan “Nida”nın rəhbərlərindən biri Turqut Qəmbər bu həbsin daha çox ölkənin siyasi həyatında fəallaşan müstəqil gənclər qurumlarını qoxutmaq məqsədi daşıdığını deyib. Amma bu həbsdən sonra quruma onlarla yeni üzvlərin gəlməsini iqtidarın bu cəhdinin baş tutmaması adlandırıb. Z.Qurbanlı barəsində polisə müqavimət göstərməsi maddəsilə inzibati həbs çıxarılması əsassız sayılıb. Z.Qurbanlını saxlayan şəxslərin özlərini təqdim etməmələri, hər hansı sənəd göstərmədən həbs aparmaları “insan oğurluğu” kimi dəyərləndirilib. Daxili İşlər Nazirliyinin açıqlamasında axtarış zamanı Z.Qurbanlının evindən və iş yerindən qanunsuz sənədlər tapılması haqda oktyabrın 1-dəki açıqlaması yalan və böhtan adlandırılıb. Hadisənin deputat Gülər Əhmədova ilə fəaliyyəti dayandırılmış Beynəlxalq universitetin rektoru Elşad Abdullayev arasında qalmaqallı rüşvət məsələsinin üzə çıxmasından sonra baş verməsi iqtidarın siyasi gündəmi dəyişmək cəhdi kimi də izah olunub. Amma gənclər Z.Qurbanlını sona qədər müdafiə etməklə yanaşı “Gülər Əhmədova məsələsi”ni ölkənin siyasi gündəmindən çıxmağa qoymayacaqlarını bəyan ediblər. -05C-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz